Nehemías 11 - Biblia en Guaraní - ?anderuete ?e’? Por? 2015

Umi Jerusalenguakuéra

1Umi mburuvicha Juda pegua oiko Jerusalénpe. Upéi oity hikuái po’a ojeporavo hag̃ua 10 tetãygua apytégui, peteĩme, oiko hag̃ua Jerusalen ryepýpe, umi ambue 9 katu oikova’erã ambue Juda tavakuérape. Upéicha ojejapo opaite ambue tetãyguakuéra ndive.

2Ha umi tetãygua ohovasa opaite kuimba’e ijeheguieténte ohóva oiko hag̃ua Jerusalénpe.

3Ko’ãva ningo umi Juda retã ruvichakuéra oikova’ekue Jerusalénpe ha Juda tavakueraha rupi. Umi Israelgua, umi pa’i ha Leviguakuéra, umi Ñanderuete rogaguasu rembiguái ha umi Salomon rembiguái ñemoñarenguéra peteĩteĩva oiko iloteteévape ha itavateévape.

4Ha Jerusalénpe oiko mbovymi Juda ha Benjamin ñemoñarenguéra. Juda ñemoñarenguéragui oiko Jerusalénpe: Ataías, Uzías ra’y, Zacarías ra’yre, Amarías ra’yre, Sefatías ra’yre, Mahalaleel ra’yre, Peres ra’yrekuéragui.

5Ha Maasías, Baruc ra’y, Colhoze ra’yre, Hazaías ra’yre, Adaías ra’yre, Joiarib ra’yre, Zacarías ra’yre, Siloni ra’yre.

6Opaite Peres ra’ykuéra opytáva Jerusalénpe oĩ 468 kuimba’e imbaretéva.

7Ko’ãva hína Benjamin ñemoñarenguéra oikóva Jerusalénpe: Salu, Mesulam ra’y, Joed ra’yre, Pedaías ra’yre, Colaías ra’yre, Maasías ra’yre, Itiel ra’yre, Jesaías ra’yre.

8Ha hapykuéri, Gabai ha Salai oñondive oĩ 928.

9Ha Joel, Zicri ra’y, Jerusalen ruvicha peteĩha, ha Juda, Hasenúa ra’y, Jerusalen ruvicha mokõiha.

10Umi pa’ígui: Jedaías, Joiarib ra’y, Jaquin;

11Seraías, Hilcías ra’y, Mesulam ra’yre, Sadoc ra’yre, Meraiot ra’yre, Ahitub ra’yre, Ñanderuete rogaguasu ruvicha,

12ha ityke’yrakuéra ndive, umi omba’apóva pe óga ñemopu’ã rehe oĩ 822; ha Adaías, Jeroham ra’y, Pelaías ra’yre, Amsi ra’yre, Zacarías ra’yre, Pasur ra’yre, Malquías ra’yre,

13ha ityke’yrakuéra, hóga ruvichágui, oĩ 242; ha Amasai, Azareel ra’y, Azai ra’yre, Mesilemot ra’yre, Imer ra’yre,

14ha ityke’yrakuéra, kuimba’e imbaretéva, oĩ 128; ha Zabdiel, Hagedolim ra’y, opyta imburuvicha ramo.

15Leviguakuéragui: Semaías, Hasub ra’y, Azricam ra’yre, Hasabías ra’yre, Buni ra’yre;

16Sabetai ha Jozabad, umi Levigua ruvicha omoakãva Ñanderuete rogaguasu rembiapo oka gotyogua.

17Ha Matanías, Mica ra’y, Zabdi ra’yre, Asaf ra’yre, ha’e pe mburuvicha, ha’e ningo pe omoñepyrũva pe purahéi ha oñembo’e ñepyrũ; Bacbuquías, ityke’yrakuéra apytépe, oiko imburuvicha mokõiha ramo; ha Abda, Samua ra’y, Galal ra’yre, Jedutun ra’yre.

18Mayma Levigua Jerusalénpe oikóva oĩ 284.

19Okẽ ñangarekoharakuéra, Acub, Talmon ha ityke’yrakuéra; okẽ ñangarekoharakuéra oĩ 172.

20Ha ambue Israelguakuéra ha umi pa’i ha Leviguakuéra oiko opaite ambue Juda tavakuérape, peteĩteĩva itavateépe.

21Ñanderuete rembiguaikuéra oiko hikuái Ofel, Ziha ha Gispápe, ipoguypekuéra oĩmbákuri Ñanderuete róga rembiguaikuéra.

22Ha Uzi, Bani ra’y, Levigua ruvicha, oiko Jerusalénpe. Ha’e ningo Bani ra’y, péva Hasabías ra’yre, péva Matanías ra’yre, péva Mica ra’yre, Asaf ra’yrekuéra peteĩva, ha’ehína upe omyakãva umi opurahéivape Ñanderuete rogaguasúpe.

23Upéicha he’ígui pe tetã ruvicha ojejapo hag̃ua, ha umi opurahéiva ko’ẽ ko’ẽ rehe oikeva’erãha hi’arakuérape.

24Ha Petaías, Mesezabeel ra’y, péva Sera ra’yre, ha péva Juda ra’yrekuéra peteĩva, ha’e omba’apo tetã ruvicha poguýpe.

Umi yvy pehẽngue ha tavakuéra Judaygua ova haguépe

25Judayguakuéra oiko Quiriatarba ha itava’ikuérape, Dibon ha itava’ikuérape, Jecabseel ha itava’ikuérape,

26Jesúa, Molada ha Bet-pelétpe,

27Hazar-sual, Beerséba ha itava’ikuérape,

28Siclag, Mecona ha itava’ikuérape,

29Enrimon, Zora, Jarmútpe,

30Zanoa, Adulam ha itava’ikuérape, Laquis ha ijyvykuérape, ha Azeca ha itava’ikuérape. Ha’ekuéra oiko Beerséba guive Hinom válle peve.

31Ha Benjamin ñemoñarenguéra oiko Geba guive: Micmas, Aja, Betel ha itava’ikuérape,

32Anatot, Nob, Ananíaspe,

33Hazor, Rama, Gitaímpe,

34Hadid, Seboim, Nebalátpe.

35Lod ha Ono, umi carpintéro válle peve.

36Ha oĩ avei mbovymi Leviguakuéra oikóva Juda ha Benjamin tríbu apytépe.