1Pepurahéi joáke Ñanderuetépe peteĩ purahéi pyahu, Ha’e ojapo haguére mba’e techapyrãva, ipu’aka imbarete iterei ombopoguypa hag̃ua.
2Ñanderuete ohechauka iporiahuvereko, ha tetãnguéra resa renondépe ohechauka ijustícia.
3Ha’e imandu’a iporiahuvereko rehe ha iñe’ẽ añetegua rehe Israel ndive g̃uarã, opaite yvyarigua yvy apýra peve ohecháta Ñanderuete salvacion rembiapo.
4Torypápe pepurahéi joa Ñanderuetépe, mayma yvyarigua pemomba’eguasu, pepurahéi ha pembopu joa ichupe mba’epu rorýpe.
5Pepurahéi pemomba’eguasúvo Ñanderuetépe, mbaraka ha árpa púpe ha pepurahéi hatãkena.
6Pembopu turu ha mimby Ñanderuete renondépe, ñane mburuvichaguasuteévape g̃uarã.
7Tokororõ pe yguasu ha opaite mba’e oĩva guive ipype ha avei ko yvy apére oĩva guive.
8Umi ysyry tojepopete joa ha opaite cérro tovy’a joaite.
9Ñanderuete ombojovakéta ko yvy. Hekoitépe ombojovakéta ko yvy ha opaite yvyarigua oĩva guive ijapére.
Who We AreWhat We EelieveWhat We Do
2025 by iamachristian.org,Inc All rights reserved.
