1Jose ñemoñarenguérape g̃uarã oñeme’ẽ po’a jeporavo rupi pe yvy opytáva Jordan guive Jerico rováipe, Jerico yvukuéra, kuarahyresẽ gotýo, ohasa pe desiérto og̃uahẽ meve Betel cérrope.
2Ha Betélgui, oñehenoiva’ekue Luz ohasa umi Arquigua yvy pukukue rupi Atarot peve,
3ha oguejy kuarahyreike gotýo umi Jafletgua yvy gotýo, Bet-Horon yvy rembe’y peve ha upéi ohasa Gezer rupi, opa peve Yguasu Mediterráneope.
4Jose ñemoñarenguéra, Manases ha Efraínpe oñeme’ẽ ijyvyrã:
5Efrain ñemoñare yvy hogaguasukuérape g̃uarã, ijyvy rembe’y kuarahyresẽ gotýo oñepyrũ Atarotadar guive Bethoron, pe yvateoygua peve,
6ha ohove Yguasu (Mar Mediterráneo) peve; ha nórtepe osẽ Micmetat guive kuarahyresẽ gotýo Taanatsilo peve, ha upéagui ohasa Janoápe.
7Janóagui oguejy Atarot ha Naarátpe, oja Jerico rehe ha opa ysyry Jordánpe.
8Tapuágui oho kuarahyreike gotýo, Cana yakã rupi, ha opa Yguasu Mediterráneope. Kóva hína Efrain ñemoñarenguéra yvy, hogaguasukuérape g̃uarã.
9Ha oĩve gueteri umi táva oñemboykeva’ekue Efrain ñemoñarenguérape g̃uarã Manases ñemoñare yvy apytépe, itava’ikuéra reheve.
10Nomosẽi katu hikuái umi Canaangua oikóva Gezérpe; opyta uvei hikuái Efrain apytepekuéra ko ára peve, ha oiko hikuái Efrain rembiguái ramo.
Who We AreWhat We EelieveWhat We Do
2025 by iamachristian.org,Inc All rights reserved.
