1Upe ára upévape oĩta peteĩ yvu David ñemoñarenguéra ha umi Jerusalenguápe g̃uarã, ojohéi hag̃ua hi’angaipa ha hembiapo vai.
2Ha upe ára upévape, he’i ángel atykuéra Jára: Aipe’áta tetãpýgui umi jára gua’u réra, ha araka’evéma ndaiporimo’ãvéima mandu’a héra rehe ha amosẽmbáta avei iproféta ha umi ipytu ky’áva.
3Ha ojejohu ramo gueteri umi árape peteĩ proféta vai, itúva ha isy voi he’íta: Ndereikovevéima, erégui japu Ñanderuete rérape, ha itúva ha isy voi oikutúta ichupe omano hag̃ua omomba’eguasu haguére ijára gua’u rérape.
4Ha ojehuva’erã upe ára upévape umi proféta japu otĩta omombe’u hag̃ua hechapáy (vision) ha omomarandu vai haguére, ha araka’evéma nomondeveimava’erã ahoja raviju ijapu hag̃ua.
5Ha he’íta hikuái: Che ndaha’éi proféta, che ningo kokue apohárante, ha kokue rehe aiko’aína che mitã guive.
6Ha oporanduva’erã ichupe hikuái: Mba’eichagua pere piko oĩ nde retére. Ha ha’e ombohováita: Ko’ãva ojejapo cherehe umi cherayhu’ỹva chenupã hague.
Ñanderuete ohaviráta oñemboheko potĩ hag̃ua7Nde kyse puku reheve eñemoĩ che rerekua ha che irũ rehe, he’i ángel atykuéra Jára. Eikutu che rerekuápe ijovechakuéra oñemosarambi hag̃ua, ha upéi amopu’ãta che po umi mburuvicha michĩva rehe.
8Israelguakuéra oñemboja’óta mbohapy atyguasu ijojávape, he’i Ñanderuete, mokõi atyguasu joja tenondeguáva oñehundíta, ha pe atyguasu joja mbohapyha katu hembyva’erãnte oikove hag̃ua Israel retãme.
9Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.
Who We AreWhat We EelieveWhat We Do
2025 by iamachristian.org,Inc All rights reserved.
