1Upéramo Job ombohovái, ha he’i:
2Mba’éicha tamora’e oñeha’ã che pyahẽ asy peteĩ balánza platíllope, ha che jehasa asy ambue platíllope.
3Che jehasa asy ipohyivéta yvyku’i yguasu rembe’y peguágui, upévare añe’ẽ avei py’a tarovapópe.
4Pe Ipu’akapáva hu’ykuéra chekutupa ha iponzoña che pytu ho’u, pe ñemondýi oúva Ñanderuetégui cherupitýma.
5Hasẽnepa búrro saite kapi’itýpe. Ombureánepa guéi ho’u jave hembi’u porã.
6Oje’únepa tembi’u juky’ỹre. Hénepa pe ryguasu rupi’a morotĩngue.
7Umi mba’e che ánga opokose’ỹmava’ekue, umíva ko’ág̃a che rembi’u, mba’e jeguarupyréva.
8Mba’eichatamora’e og̃uahẽ chéve che mba’ejerure, ha Ñanderuete tome’ẽ chéve che ahupityséva.
9Tamora’e Ñanderuete chehundise, tohupi ipo ha tachejuka,
10péva ningo chemoangapyhýta, che mba’asy chejopyeterei ramojepe, apopóta vy’apópe che namboykéi haguére iñe’ẽ porãite.
11Che nachembaretevéima aropu’aka hag̃ua che jehasa asy. Ha ndaiporivéima mba’eve mba’érehepa ambopukuseve hag̃ua che rekove arakuéra.
12Chembarete piko ku itáicha térã che rete hatãne piko ku brónceicha.
13Chekangypáma, ha mba’eveichagua ñepytyvõ ndaguerekovéima.
14Upe iñangekõiva oha’ãrõ mborayhu iñirũnguéragui jepevémo ha’e ndokyhyjevéi Ñanderuetégui.
15Che irũnguéra ipy’a mokõi chendive ku ysyrýicha yvy perõme, oky tuicha rire pya’e ikã jevy;
16osyrýva pe y rypy’a térã pe ama rayvi rypy’a guýpe.
17Ha og̃uahẽ ramo arahaku ombohykupa ha osyry hatã rire pya’e hypa jevy,
18Ysyry rape imichĩve ohóvo pe kuarahy omokãmba jevy peve.
19Ojesareko hese umi Temangua ohasa vove upérupi ha upéicha avei umi Sabaygua ohasáva ohóvo oha’ãrõite ohupity hagg̃ua avei pe y.
20Ha otĩ opytávo oha’ãrõ rei haguére y porãitéva, upévare pe ñembotavy ituichaiterei.
21Añetehápe peẽ pejoguaiterei umívape, pehecha ñemyangekói ha pekyhyjepa.
22Che piko ha’e peẽme: Peguerúna ha peme’ẽ chéve pene mba’erepy,
23térã cheguenohẽ hag̃ua cherayhu’ỹva pógui térã chejora chejopýva poguýgui.
24Peẽ chembo’e porã ramo, akirirĩta, pehechauka chéve moõitépa añemoangaipára’e.
25Mba’érehepa pejohu vai che ñe’ẽ hekoite peguáva, peẽ katu cherekombo’e hekope’ỹ.
26Pejohu vai che ñe’ẽ ha’emava’ekue ha upévare chekaguái mbaretépe; pe yvytu ningo ogueraha voi ojepy’apýva ñe’ẽ.
27Peẽ peitýta po’a ityre’ỹva ári, ha pevendéta pene amígope.
28Ko’ág̃a, pema’ẽ porãke cherehe, ha pehecha che ndachejapuiha pende rovake.
29Pepáykena ha pehechakuaa ndajavyiha ha che aiko hague hekoitépe.
30Che ñe’ẽ rupi piko heñói ñaña reko, térã che apekũ piko ndikatuvéima ojuavy po’a’ỹnguéra apytégui.
Who We AreWhat We EelieveWhat We Do
2025 by iamachristian.org,Inc All rights reserved.
