1Ore Ruete, Nde, che Jára: Che amomba’eguasúta ha amboetéta nde réra, rejapo haguére tembiapo ndetuicháva; ymaite guive Nde rehekombo’e hekoitépe ha añetehápe.
2Pe távagui rejapókuri peteĩ ita atyraguasu, pe óga yvatégui rejapo tapere; ha reity umi tetã ambueygua rogaguasu, avave omopu’ã jevy hag̃uáicha.
3Upévare peteĩ tetã tuicháva nemomba’eguasúta ha umi táva tuichaitéva okyhyjéta ndehegui,
4Nde remo’ã haguére ikangývape, Nde reipytyvõ haguére umi ojejopývape, Nde reiko haguére ñemo’ãha ramo oky tuicha ha kuarahy hakuete jave, umi iñañáva pu’aka opa reíta ku ama opa rei háicha ojohu guive pe óga tápiare.
5Térã ku kuarahy akúicha yvy perõme: Nde remokirirĩ umi tetãygua ayvu oñemomombyrýva ndehegui, pe kuarahy aku oñemokangy háicha arai pa’ũ rupi, péicha Nde remokangy avei iñañáva purahéi ñembotuicha reheguáva.
6Ko cérro kóvape Ñanderuete, yvága atykuéra Jára, ombosako’íta opaite tetãme g̃uarã karuguasu, tembi’u heitereíva, karuguasu oĩháme víno iporãmba jepéva, so’o ikyráva ha víno poravopyréva.
7Ha Ha’e omboykéta, ko cérro kóvape, pe ao pererĩ omo’ãva opaite tríbu atýpe, ha pe ahoja oñu’ãva opaite tetãnguérape.
8Ñanderuete pe Jaraitéva ombopoguýta pe ñemano, Ha’e omokãta opaite tesay yvyarigua rovágui, Ha’e oipe’áta Israel ñemotĩ oñandúva ko yvy tuichakue, péicha he’i pende Ruete.
9Ha upe ára upévape oje’éta: Pema’ẽ porãke, kóa voi ningo ore Jára, roha’ãrõkuri Ha’e oreguenohẽ hag̃ua ore jehasa asyguasúgui, ore rojeroviágui hese. Javy’a ha japurahéi joa Ha’e ñanepytyvõ porã haguére.
10Ñanderuete po oñangarekóta ko cérro kóvare, Moab rehe oñepyrũmbáta, oñepyrũmba háicha kapi’íre ha tymba repoti atýre.
11Ha oipyso ramojepe ipokuéra, ku ho’ytáva oipyso háicha ipokuéra ho’yta hag̃ua; Ñanderuete oitýta yvy rehe upe oñembotuichávape, ikatupyry ha oñeha’ãmba ramojepe.
12Ñanderuete oitypáta nde korapy jere yvatéva yvy timbóicha opytapáta.
Who We AreWhat We EelieveWhat We Do
2025 by iamachristian.org,Inc All rights reserved.
