1Oñe’ẽve Eliu, ha he’i:
2Reimo’ã piko ndénte ereha pe añetegua, erévo: Ñanderuetépe g̃uarã che reko iporã.
3Nde ere avei: Mba’épa aguenohẽta, ajerovia haguére Ñanderuete rehe térã mba’épa oñeme’ẽta chéve nacherembiapo vaírigui.
4Che voi rombohováita ndéve ñe’ẽ hekoite peguáva, ha ne irũnguérape, oĩva nendive:
5Ema’ẽ porãke árare, ha ehechakuaa umi arai ijyvateveha ndehegui,
6nde rejavy ramo jepe rembyaikuaa piko Ñanderuetépe, ha ne rembiapo vai heta ramojepe, mba’épa umía ojapo vai hese.
7Ha nde reko porã ramo mba’épa reme’ẽ ichupe térã mba’épa Ha’e orecevikuaa nde pógui.
8Ndeichagua kuimba’e ohupityva’erã iñaña térã heko potĩ repyrã.
9Yvyariguakuéra osapukái ojejopy ramo ha ojerure asy ojesalva hag̃ua umi iñañava poguýgui.
10Avave katu noporandúi moõpa oĩ Ñanderuete, oporombopurahéiva pyhare pytépe jepe.
11Ha’e ñanembo’eve mymba ñu meguágui, ha ñanemoaranduve umi guyra ára peguágui.
12Upéro osapukái asy joava’erã hikuái, Ha’e katu nohendumo’ãi ichupekuéra, umi iñañáva oñembotuicha haguére.
13Añetehápe Ñanderuete nohendúi umi sapukái asy oúva tova mokõigui ha pe Ipu’akapáva nombohováiri umi oñembotuichávape.
14Ha nde ere ramojepe nde nderehechaiha ichupe, henondépe oĩmba voi opaite mba’e nemyangekóiva, upévare eha’ãrõnte ichupe.
15Ñanderuete imbegue ipochy hag̃ua upévare Ha’e ndohavira pya’éi.
16Upévare nde rejejurupe’a, ha remboheta hetave ne ñe’ẽ arandu’ỹre.
Who We AreWhat We EelieveWhat We Do
2025 by iamachristian.org,Inc All rights reserved.
