1Ovy’aite upe oipytyvõva imboriahúvape. Ñanderuete oipytyvõta avei ichupe, ha’e ohasa asy jave.
2Ñanderuete oñangarekóta hese ha omoingovéta ichupe, ha’e ovy’aite hag̃ua yvy apére, ha Nde neremoĩmo’ãi ichupe umi hese ija’e’ỹva pópe.
3Ñanderuete oñangarekóta hese hasy jave hupápe, ha ombovevuiva’erã ijehasa asy.
4Che ha’ékuri Ñanderuetépe, cheporiahuverekomína ha emonguera che ánga, añemohembiapo vai ningo ne renondépe.
5Umi cherehe ija’e’ỹva oñe’ẽ vai cherehe, ha oporandu hikuái: Araka’épa omanóta, ñanderesarái hag̃ua héragui.
6Ha ou ramo hikuái cherechávo, tova mokõime ou, ha ipy’apýpe ojepy’amongeta ivaíva rehe, ha oho rire cherayhu’ỹva omosarambi ñe’ẽvai cherehe.
7Cherayhu’ỹva oñembyaty oñe’ẽvai hag̃ua cherehe, ipy’apypekuéra omoheñói mba’evai cherehe.
8Ha he’i hikuái: Mba’asy iñasãi vaíva poguýpe to’a, ha ãicha ho’ava’ekue hupápe nopu’ãmo’ãvéima.
9Ha che irũ iporãvéva oikóva chendive py’aguapypópe, hese che ajeroviáva, ha’e ho’u che rembi’u, ha ha’e jepeve oñemoĩma cherehe.
10Che Ruete, cheporiahuverekomína, ha chemopu’ã, amyengoviakuaa hag̃ua hembiapokuéra.
11Ko’ã mba’e rupi aikuaáma Nde cherayhuha, umi cherehe ija’e’ỹva anive hag̃ua opuka cherehe.
12Ha che reko ipotĩ haguére Nde chemopu’ã jevýta, ha chemoĩta ne renondépe opaite árape g̃uarã.
13Toñemomba’eguasu ore Ruete, Israel Járape, ára atyguasu guive ára atyguasu peve, amen (taupéicha).
Who We AreWhat We EelieveWhat We Do
2025 by iamachristian.org,Inc All rights reserved.
