Josue 15 - Biblia en Guaraní - ?anderuete ?e’? Por? 2015

Juda yvy

1Pe yvy oñeme’ẽva’ekue po’a jeporavo rupi Juda tríbupe og̃uahẽkuri Edom retã rembe’y peve, ha pe Zin desiérto opyta ichupe hetã rembe’y yvy gotyogua ramo.

2Ha ijyvy rembe’y sur pegua oñepyrũ Yguasu Jukyry, (Mar Muérto) rembe’y apýra paha guive,

3ha ojepyso Acrabim jejupiha peve, ha ohasa Zin desiérto rupi ha og̃uahẽ Cades-barnéa peve, ha ohasa ohóvo Hezrónpe, ha ojupi Adar gotýo ha ojere og̃uahẽ hag̃ua Carca peve.

4Upégui ohasa Asmon rupi og̃uahẽ Egípto yakã meve, oikéva Yguasu Mediterráneope, kóva hína pende yvy rembe’y sur pegua.

5Ha hetã rembe’y kuarahyresẽ gotýo Yguasu Jukyry rembe’y guive pe Jordan ho’aha peve ipype. Ha hembe’y nórte pegua oñepyrũ Jordan ysyry juru guive,

6ha ojepyso ohóvo Bethogla rupi, ohasa Betaraba yvatévo, ha upégui oho Ruben ra’y Bohan itaguasu peve.

7Upéi Acor ñu guive oho Debir peve ha ojere nórtepe Gilgal peve, opytáva Adumin rovái, kóva opyta yakã sur pegua, ha ohasa ohóvo Ensemes y renda peve, ha upégui osẽ Rogel yvu peve.

8Upéi ojupi ohóvo Hinom ñemoñarenguéra válle rupi og̃uahẽ meve Jebusgua yvýpe, péva hína Jerusalen. Upégui ohasa pe cérro ru’ã rupi opytáva Hinom cerrokuéra pa’ũ rovái, kuarahyreike gotýo, péva opyta Refaim válle apýrape, ijyke nórte pegua gotýo.

9Upéi ijyvy rembe’y ojere pe cérro ru’ã guive Neftoa yvu peve, ha ohasa umi táva Efron cérro pegua, ojere hag̃ua Baala peve, péva hína Quiriat-jearim.

10Baala guive ijyvy rembe’y ojere kuarahy reike gotýo og̃uahẽ meve Seir cérrope; ha ohasa Jearim cérro ypy rupi yvate gotýo, pevahína Quesalon, ha oguejy Bet-semes rupi, og̃uahẽ meve Timnátpe.

11Ha upéi oho Ecron ypýpe, yvate gotýo; ojere Sicrónpe, ha ohasa Baala cérro, ha Jabneel rupi og̃uahẽ meve Yguasu Mediterráneo peve.

12Ha ijyvy rembe’y kuarahyreike gotýo ningo pe Yguasu Mediterráneo. Kóa Juda tríbu yvy rembe’y jerekuévo hogaguasukuérape g̃uarã.

Caleb omoĩ ipoguýpe Hebron ha Debir

13Ha Caleb, Jefone ra’ýpe oñeme’ẽ Quiriat-arba, Anac ru táva, pevahína Hebron, Juda ñemoñarenguéra apytépe, Ñanderuete he’i haguéicha Josuépe.

14Ha Caleb omosẽ upégui mbohapyve Anac ra’ykuérape: Sesai, Ahiman ha Talmáipe.

15Kóa rire ojupi Debírpe; Debir herava’ekue ymave Quiriat-sefer.

16Ha Caleb he’i: Pe ipu’akátava pe táva Quiriat-Sefer rehe, che ame’ẽta ichupe che rajy Acsa, hembirekorã ramo.

17Otoniel, Cenez ra’y, Caleb ryvy, omoĩ pe táva ipoguýpe; ha Caleb ome’ẽ ichupe itajýra Acsa hembirekorã ramo.

18Ha omenda rire, Acsa omoinge iména akãme ojerure hag̃ua itúvape yvy oñeñemitỹ hag̃ua. Uperire katu Acsa oguejývo ibúrro árigui Caleb oporandu ichupe: Mba’épa ojehu ndéve.

19Ha Acsa he’i ichupe: Eme’ẽna chéve peteĩ jopói; reme’ẽma chéve yvy Négevgui, eme’ẽna chéve avei y. Upéramo Caleb ome’ẽ ichupe umi yvu nórte pegua ha umi sur pegua.

Juda tavakuéra.

20Kóva hína Juda tríbu yvy hóga guasukuérape g̃uarã.

21Ko’ã Juda tríbu tavakuéra oĩva hetã rembe’y sur gotýo, Edom retã rembe’y gotýo: Cabseel, Éder, Jagur,

22Cina, Dimon, Adada,

23Cedes, Hazor, Itnan,

24Zif, Télem, Bealot,

25Hazorhadata, Queriot, Hezron (péva hína Hazor),

26Amam, Sema, Molada,

27Hazar-gada, Hesmon, Betpélet,

28Hazar-sual, Beerséba, Bizotia,

29Baala, Ijim, Esem,

30Eltolad, Quesil, Horma,

31Siclag, Madmana, Sansana,

32Lebaot, Silhim, Ain ha Rimon; oñondivepa oĩ 29 táva, itava’ikuéra reheve.

33Pe yvype guasúpe: Estaol, Zora, Asena,

34Zanoa, En-ganim, Tapua, Enam,

35Jarmut, Adulam, Soco, Azeca,

36Saaraim, Aditaim, Gedera ha Gederotaim; 14 táva, itava’ikuéra reheve.

37Upéi Zenan, Hadasa, Migdalgad,

38Dilean, Mizpa, Jocteel,

39Laquis, Boscat, Eglon,

40Cabon, Lahmam, Quitlis,

41Gederot, Betdagon, Naama ha Maqueda; 16 táva, itava’ikuéra reheve.

42Libna, Éter, Asan,

43Jifta, Asena, Nezib,

44Keila, Aczib ha Maresa; 9 táva, itava’ikuéra reheve.

45Ecron, itáva ha itava’ikuéra reheve:

46Ecron guive Yguasu peve, umi táva opytáva Asdod ypýpe itava’ikuéra reheve.

47Asdod ha itava’ikuéra reheve, Gáza itava’ikuéra reheve, Egípto ysyry peve, ha pe Yguasu Mediterráneo hembe’y pegua reheve opyta Juda yvy rembe’y kuarahy reike gotýo.

48Ha umi cérro rehe: Samir, Jatir, Soco,

49Dana, Quiriatsana (héra avei Debir),

50Anab, Estemoa, Anim,

51Gosen, Holon ha Gilo; 11 táva, itava’ikuéra reheve.

52Arab, Duma, Esan,

53Janum, Bettapúa, Afeca,

54Humta, Quiriat-arba (péva hína Hebron) ha Sior; 9 táva, itava’ikuéra reheve.

55Maon, Carmel, Zif, Juta,

56Jizreel, Jocdeam, Zanoa,

57Haq-cain, Gibéa ha Timnat; 10 táva, itava’ikuéra reheve.

58Halhul, Betsur, Gedor,

59Maarat, Betanot ha Eltecon; 6 táva, itava’ikuéra reheve.

60Quiriat-baal (péva hína Quiriat-Jearim) ha Raba; mokõi táva, itava’ikuéra reheve.

61Pe desiértope: Betaraba, Midin, Secaca,

62Nibsan, ha pe táva jukyty pegua ha Engadi; 6 táva, itava’ikuéra reheve.

63Ha umi Jebusguápe táva Jerusalen, Juda ñemoñarenguéra ndaikatúi omosẽ ichupekuéra; ha Jebusguakuéra opyta Jerusalénpe, Juda ñemoñarenguéra apytépe ko ára peve.