Salmokuéra 111 - Biblia en Guaraní - ?anderuete ?e’? Por? 2015

Ñanderuete oñangareko porã hetã rehe, alelúia (pemomba’eguasu Ñanderuetépe)

1Amomba’eguasúta Ñanderuetépe che py’aite guive, umi heko potĩva ha hogaguasuguakuéra apytépe.

2Ñanderuete rembiapokue tuichaite mba’e, ha upe ohayhúva hembiapokuéra iporã ojepy’amongeta avei hesekuéra.

3Ñanderuete rembiapokue iporãite ha ituichaite, ijustícia oikova’erã opaite árape.

4Ñanderuete milagrokuéragui ndaipóri tesarái Ha’e ipy’a porã ha oporoporiahuverekokuaa.

5Umi ichugui okyhyjévape Ha’e ome’ẽ hembi’urã, opaite ára peve imandu’a hag̃ua iñe’ẽme’ẽ rehe.

6Ha’e ohechauka hetãyguakuérape ipu’aka hembiapo porã rupi, ome’ẽ ichupekuéra ijyvy imba’eteerã ramo.

7Hembiapo añete ha iñembojovake oiko hekoitépe. Ha’e nomoambuemo’ãi hembiapoukapykuéra.

8Umía Ha’e omombyta porã opaite árape g̃uarã, umía oñeme’ẽma añetegua ha justícia reheve.

9Tekove añeteguáva ombouva’ekue hetãme, opaite ára peve omoĩva’ekue iñe’ẽme’ẽ, Ñanderuete réra porãite ha jakyhyjeva’erã ichugui.

10Jakyhyje ramo Ñanderuetégui ñande ñanearanduve jahávo. Iñaranduetégui umi ojapóva hembiapoukapy ha omomba’eguasúva héra opaite árape.