1Ñanderuete, pe Jaraite Pytu Porãitéva oĩ cheári, Ha’e cheporavo; Ha’e chemondo ambohasa hag̃ua iñe’ẽ porãva umi ohasa asývape, ha ambopy’aguapy hag̃ua umi ojepy’apývape, amombe’u hag̃ua umi oñeñapytĩvape ojejorapataha, ha ojepe’apataha cárcel rokẽnguéra;
2amyasãi hag̃ua Ñanderuete jeporiahuvereko áño og̃uahẽmaha hetãme. Ha upe áño upévape Ñanderuete omyengoviapáta opaichagua tembiapo vai ojapova’ekue hikuái umi orerehe oñemoĩmava’ekue,
3ha umi Jerusalengua ojepy’apy asývape ame’ẽukáta iñakã jeguakarã, tanimbu rãngue; acéite ryakuã porã, jahe’o rãngue; ahoja tory rehegua, jepy’apy rãngue; hérata tajy justícia rehegua, Ñanderuete oñotỹtava ohechauka hag̃ua heko jajaipáva.
4Umi óga oñembotapereva’ekue oñemopu’ã jevýta ha oñemyatyrõmba jevýta umi táva ojeityva’ekue ha ojepoiva’ekue heta yvyarigua rekove pukukue rupi.
5Tetã ambueyguakuéra oñangarekóta pende ovechakuéra rehe, ha umi tetãygua peẽ peikuaa’ỹva omba’apóta pende kokue ha parraltýpe.
6Ha peẽ peñembohérata Ñanderuete pa’ikuéra, ha pende rérata Ñanderuete rembiguaikuéra, oñeme’ẽta peẽme ambue tetãnguéra mba’erepy ha peñembojeguakáta imba’ekuerakuére.
7Pe ñemotĩ pehasava’ekue oñembojo’ava’erã peẽme vy’a jo’a rupi ha hi’ári oñeme’ẽ jo’áta peẽme pene mba’erepy pevy’a hag̃ua pene retãme opaite árape.
8Che, pende Ruete, ahayhu justícia, ndahayhúi katu ñemonda ni ñembotavy, upévare añembopy’apeteĩta opaite árape umi hekoitépe oikóva ha amyengoviáta hembiapokue porã.
9Ita’ýra ñemoñarenguéra ojekuaáta hetãyguakuéra apytépe, oimeraẽva ohecháva guive ichupekuéra ohechakuaáta Ñanderuete ohovasa hague ichupekuéra.
10Chepy’aroryetéta Ñanderuete ndive, che ánga ovy’aitéta che Jára ndive, chemonde haguére isalvacion pegua aópe ha cheñuã ijustícia rehegua ahojápe, ku omendátava peguáicha chembojeguaka hikuái, oñembojeguaka háicha kuñataĩ omendátava ijeguaka hepývape.
11Pe yvy omongakuaa háicha temitỹnguéra, ha pe ka’avoty omoheñói háicha imba’e ra’ỹi, péicha Ñanderuete, pe ipu’akapáva omoheñóita ijustícia ha ñemomba’eguasu opaite tetãnguéra apytépe.
Who We AreWhat We EelieveWhat We Do
2025 by iamachristian.org,Inc All rights reserved.
