1Ñanderuete oñe’ẽ Joel, Petuel ra’ýpe:
2Pehendúke ko’ã mba’e, peẽ karai ancianokuéra ha opaite Israelguakuéra, ojehúmapa koichagua mba’e pende árape térã pende rukuéra árape.
3Ko’ã mba’e pemombe’úta pende ra’ykuérape, ha pende ra’ykuéra ombohasáta ita’yrakuérape, ha ita’yrakuerare omombe’u jevýta iñemoñarenguérape.
4Pe tuku aty tenondegua oñapi’ũta pende kokue peguakuéra ha upéi oúta pe tuku aty mokõiha, ha oñemondyipáta hikuái umi ohecháva guive; ha upéi oúta pe tuku aty mbohapyha oikytĩvéta ohóvo; ha ipahápe oúta gueteri pe tuku atyguasu irundyha ombyai hag̃ua hembýva guive.
5Pepáyke, peẽ peka’úva, ha pejahe’óke, penepyahẽ asýke peẽ pe’úva pe víno, ojepe’áta pe parral rykue pende jurúgui.
6Peteĩ tetã imbarete ha ojepapakuaa’ỹva oúta che retãme, hãinguéra leõ rãicha.
7Ombotaperéta che parralty ha oipire’opáta che hígo máta, oitypáta yvýre ha hakãnguéra opytáta nandi vera.
8Nde, Israel, ejahe’o pe kuñataĩ oñemondévaicha ao vosakuépe imenarã omano haguére.
9Pe kuave’ẽmby tembi’u ha víno rehegua opáma pende Ruete rógape, ha ipa’ikuéra oñembyasyetéta opa haguére pe tembiapo pende Ruetépe g̃uarã.
10Pe yvy oñembotaperéta ha pe kokue ombyasy oñembyaipa haguére pe trígo, ikã pe parral rykue ha ipiru umi olívo rakã.
11Tapendepy’atarovapa, peẽ pemba’apóva kokuépe, tapenepyahẽ asy peẽ pemba’apóva parraltýpe térã trígo ha cebáda kokue rehe, oñehundipa haguére pende kóga rembiapo.
12Pe parralty ipiru ha pe hígo yvyra oñembyaíma, upéicha avei granáda, mbokaja ha manzána máta; ipirupa umi ñu rupigua yvyra rakãnguéra, upévare opa avei yvyarigua vy’a.
13Peẽ pa’ikuéra pejeku’a jopy ha pejahe’o joáke, penepyahẽ asy joáke, peẽ kuave’ẽmby renda rembiguaikuéra. Peju ha peke ao vosakue reheve, che Jára rembiguaikuéra, ojepe’a haguére pe kuave’ẽmby tembi’u ha víno rehegua pende Ruete rogaguasúgui.
14Peñembyatypa, peguerosapukái ha pehasa karu’ỹme, opaite karai anciáno ha tetãyguakuéra peñembo’e pende Ruete rógape.
15Cháke upe ára upéva hi’ag̃uíma, pende Ruete ára ha pe Ipu’akapáva ñehundiguasu outamahína.
16Pe tembi’u ojepe’áta pende resa renondégui, ha upéicha avei pe vy’a ha tory pende Ruete rógape.
17Pe kóga ra’ỹingue itujupa yvy’atã guýpe, temitỹ ra’ỹingue oñeñongatu haguépe inandipa, ha umi kóga ra’ỹi ryru oñembyaipa, ipirupágui pe trígo.
18Ñane rymbakuéra hasẽmba, vakakuéra itarovapa ndaikapi’ivéigui. Ha umi ovecha aty oñehundive ohóvo.
19Che Ruete, ndéve amba’ejerure asy, pe tata ohundipágui pe ñu rupigua kapi’i ha yvyrakuéra.
20Umi mymba ñu rupigua hasẽmba joa avei ndéve, hypágui umi yvu ha tata ohapypágui pe kapi’ity ñu rupigua.
Who We AreWhat We EelieveWhat We Do
2025 by iamachristian.org,Inc All rights reserved.
