Salmokuéra 146 - Biblia en Guaraní - ?anderuete ?e’? Por? 2015

Ovy’aite upe ojeroviáva Ñanderuete rehe, alelúia, pemomba’eguasu Ñanderuetépe

1Alelúia, nde che pytu, emomba’eguasúke Ñanderuetépe.

2Che rekove pukukuépe amomba’eguasúta Ñanderuetépe, apurahéita aikove aja che Járape.

3Aníke pejerovia mburuvichakuéra rehe, ha’égui yvyarigua ra’y voínte, umía ndaikatúi ñaneguenohẽ jejopy vaígui.

4Ipytuhẽ osẽ guive ichugui, oiko jevy ichugui yvy, ha upepete opa rei ipy’apýpe ojaposeva’ekue guive.

5Ovy’aite upe oguerekóva Jacóbo Jára ipytyvõhára ramo, ha upe ojeroviáva Ñanderuete rehe Ijaratee ramo.

6Ha’e ningo yvagakuéra ha yvy apohare, pe yguasu, ha opaite mba’e ipype oĩva guive, Ha’e ningo noñemoambuéi, heko peteĩcha tapia g̃uarã.

7Ombojovake hekoitépe umi ojejopývape, ha umi iñembyahýivape Ha’e ome’ẽ hembi’urã.

8Ñanderuete ohesape’a umi ohecha’ỹvape, Ha’e omopu’ã umi ho’ava’ekuépe, Ha’e ohayhu umi heko potĩvape.

9Ñanderuete oñangareko umi tetã ambueygua rehe, umi ityre’ỹva ha imenave’ỹva rehe avei, umi iñañáva rape katu Ha’e ombyai.

10Ñanderuete oikohína opaite árape mburuvichaguasuete ramo, Ha’e ningo Jerusalen Jára tapia g̃uarãva. Alelúia, pemomba’eguasu ichupe.