1Pemomba’eguasu Ñanderuete réra, peẽ hembiguaikuéra pemomba’eguasu ichupe.
2Peẽ peiméva Ñanderuete róga ha ikorapýpe,
3pemomba’eguasu Ñanderuetépe Ha’e ipy’a porãgui, hérape pepurahéi, heko ha ipy’a iporãgui.
4Ñanderuete oiporavo Jacóbope ha Israélpe imba’etee ramo.
5Che aikuaágui Ñanderuete ituichaitereiha, ha Ñandejára ituichaveha mayma ambue járagui.
6Opaite mba’e Ñanderuete ojaposéva guive, ojapo avei yvágape ha yvýpe, ha umi yguasu ha opaite hugua ipypukuetévape jepe.
7Omopu’ã tatatĩna yvy apýragui, ojapo pe aratiri oky jave, oguenohẽ yvytukuéra iñeñongatuhágui.
8Ha’e ningo ojukava’ekue umi Egípto ra’y ypykuérape, yvyariguakuéra guive, hymbakuéra peve.
9Ombou mba’e ndetuicháva ha techaukaha Israelguakuéra apytépe, Egípto retãme, faraon rehe ha mayma hembiguaikuéra rehe.
10Heta tetãme ombopoguy ha imburuvichaguasukuérape:
11Sehon, Amor retã ruvichápe; Og, Basan retã ruvichápe; ha Canaan retã ruvichakuéra maymávape.
12Ha ome’ẽ ijyvykuéra, hetã Israélpe imba’etee ramo.
13Nde, ore Ruete, nde réra opyta tapia g̃uarã, ha mandu’a nde rehegua hi’are ore rukuéra guive iñemoñare paha peve.
14Ñanderuete ombojovake porã hetãme ha oiporiahuvereko hembiguaikuérape.
15Umi tetãygua jára kuimba’e rembiapo voi, pláta térã órogui ojejapógui.
16Ijuru ramojepe, noñe’ẽi; hesa ramojepe, ndohechái;
17ijapysa ramojepe, nohendúi; ha ijurúpe ndaipóri pytu.
18Umía ojoguaiterei ijapoharépe, ha mayma ojeroviáva guive hesekuéra,
19Israel retã katu, pemomba’eguasu Ñanderuetépe, Aaron ñemoñarenguéra, pemboetéke Ñanderuetépe.
20Levi ñemoñarenguéra pemomba’eguasu Ñanderuetépe, pemboete ichupe opaite peẽ pekyhyjéva guive Ñanderuetégui.
21Sion guive toñemomba’eguasu Ñanderuete, Jerusalénpe Ha’e oiko. Alelúia, pemomba’eguasu Ñanderuetépe.
Who We AreWhat We EelieveWhat We Do
2025 by iamachristian.org,Inc All rights reserved.
