Salmokuéra 70 - Biblia en Guaraní - ?anderuete ?e’? Por? 2015

Ore Ruete chepytyvõmína - David purahéi

1Nde, che Ruete, eju pya’emína cheguenohẽ hag̃ua che jejopy vaígui, Nde, che Jára, ejumína chepytyvõ hag̃ua.

2Toñemotĩ ha tojesareapa umi chejukaséva, toguevipa hapykuere gotýo ha toñemotĩmba umi oipotáva ojehu chéve mba’evai.

3Toguevipa hapykuere gotýo, umi chemotĩséva ha cherehe oñembohorýva.

4Tahoryete ha tovy’aite umi nderehe ojeroviáva, ha umi oha’ãrõva ha ohayhúva ne mburuvichaguasu reko, te’i tapiaite: Tuichaite ningo Ñanderuete.

5Ha che katu ajepy’apy ha cheporiahuete, pya’emína eju che rendápe, Nde, che Ruete. Nde ningo che pytyvõhára, Nde, che Ruete, ani reheja ohasave hetaiterei ára jejopýpe.