1Chepytyvõmína cherehe ija’e’ỹvagui, Nde, che Ruete, chemo’ãkena umi cherehe opu’ãvagui.
2Chepe’amína iñañáva pógui ha cheguenohẽ umi chejukaséva pógui.
3Ma’ẽmína, ha’ekuéra oñeha’ãmba chejuka hag̃ua. Ndaha’éi ajavy haguére térã che rembiapo vai haguére, Nde, che Ruete, reikuaa porã voi ko’ã mba’e.
4Nacherembiapo vaíri, upeichavérõ jepe oñembyaty pya’e oñemoĩ hag̃ua cherehe. Ehendumína, ejumi chejohúvo, ha ema’ẽmi.
5Nde, che Ruete, yvága atykuéra Jára, Israel Jára, ehendu ha ehavira opaite tetãygua iñañávape, aníkena reiporiahuvereko umi tekove iñañávape. Selah
6Ka’aru pytũ jave ou jevy hikuái ku jaguáicha oñarõ joáva, ha ojere hikuái pe táva rehe.
7Péina ápe ijuru ryjuipa hikuái, kyse puku oĩ hembekuéra rehe, he’ígui hikuái: Máva piko ñanerendúne.
8Ha Nde, che Ruete, repukáta hesekuéra, reñembohorýta opaite tetãygua iñañáva rehe.
9Nde ha’égui che pu’aka, ha nderehe ajerovia, Ñanderuete ningo chemo’ã porã.
10Ñanderuete ou iporiahuvereko rupi, Ñanderuete ojapóta che aha’ãrõva: Cherayhu’ỹva toñehundi.
11Anítei rejuka pya’e ichupekuéra, ani hag̃ua hesarái che retãyguakuéragui, emosarambipaite ichupekuéra nde pu’akapa rupi, ha eitypa ichupekuéra, Nde, che Ruete, ore mo’ãhára.
12Mba’evai ningo osẽ ijurúgui ha ñe’ẽ ky’a ohasa hembekuéra rupi, upévare toñehundi hikuái maldicion ha ijapu rupi.
13Ñanderuete nde pochy rupi ehundipamína ichupekuéra, opa hag̃ua hikuái, ha tojekuaa Ñanderuete oisãmbyhyha Israélpe yvy apýra paha peve. Selah
14Meme ka’aru pytũme ou jevy ha jaguáicha oñarõ hikuái, ha ojere hikuái pe táva rehe.
15Opa gotýo rei oiko hikuái oheka hag̃ua hembi’urã, ha oguahu hyg̃uatã meve.
16Che katu agueropurahéita nde pu’aka, ha pyharevépe amomba’eguasúta nde poriahuvereko, Nde reikógui chéve g̃uarã che pytyvõhára ramo ha che mo’ãhára ramo ajepy’apy vaiha árape.
17Nde, che Ruete, chemombaretéva, upévagui ndéve apurahéita, Nde voi ningo che Ruete, che ñemo’ãha ha cheporiahuverekóva.
Who We AreWhat We EelieveWhat We Do
2025 by iamachristian.org,Inc All rights reserved.
