1Ñanderuete tanerendu nde jepy’apyha árape, Jacóbo Jára réra toñangareko nderehe.
2Tombou iñepytyvõ hogaguasu guive, ha Sion guive tome’ẽ ndéve pu’aka.
3Taimandu’a opaite ne kuave’ẽmbynguéra rehe, ha toguerohory ne kuave’ẽmby ojehapypáva. Selah
4Tome’ẽ ndéve umi mba’e nde py’apy oipotáva ha tomoañete opaite mba’e rejaposéva guive.
5Ore rovy’a joa rembopoguy haguére nderayhu’ỹvape, ha romopu’ãta poyviveve (bandéra) ore Jára rérape; Ñanderuete tome’ẽ ndéve opaite mba’e rejeruréva guive.
6Ko’ág̃a aikuaa Ñanderuete oipytyvõha umi Ha’e oiporavova’ekuépe, Ha’e ohendu ichupe ijyvága porãitégui ipo akatúa rembiapo porã rupi.
7Oĩ umi ojeroviáva icarrokuéra rehe ha ambuekuéra ikavajukuéra rehe, ore katu rojerovia ore Jára réra rehe.
8Ha’ekuéra ikangypa ha ho’a, ore katu ropu’ã joa, ha ropyta ñembo’yhápe.
9Che Jára chepytyvõmína ambopoguy hag̃ua cherayhu’ỹvape ha ejapysakamína ore ñe’ẽ rehe, ore roñembo’e jave.
Who We AreWhat We EelieveWhat We Do
2025 by iamachristian.org,Inc All rights reserved.
