Salmokuéra 3 - Biblia en Guaraní - ?anderuete ?e’? Por? 2015

Ñembo’e pyharevegua jeroviapópe David purahéi, okañy ramoguare oikóvo ita’ýra Absalóngui

1Nde, che Ruete, hetaiterei ningo umi chemuñáva ha oñemoĩva cherehe.

2Heta oĩ he’íva cherehe: Ndaiporivéima ñepytyvõ ichupe g̃uarã Ñanderuetégui. Selah

3Nde katu, che Ruete, reiko che jerekuévo chemo’ã hag̃ua, nde reko jajaipa oĩ chendive chemoakãrapu’ã hag̃ua.

4Che ñe’ẽ rupive amba’ejerure asy che Ruetépe, ha Ha’e chembohovái icérro guive, oĩháme hogaguasu. Selah

5Che añeno ramo, ake porã ha apáy py’aguapýpe, che Ruete oñangareko porãgui cherehe.

6Ndakyhyjemo’ãi 10.000 soldádogui, oñembo’y ramojepe che jerekuévo.

7Epu’ãmína, che Ruete, chepytyvõ hag̃ua, Nde che Jarateéva, Nde reinupã hova rupi mayma cherehe ija’e’ỹvape, rejokapa umi iñañáva rãinguéra.

8Ñanderuetéguinte ou ñepytyvõ, ndeheguínte ou jehovasa ne retãme g̃uarã. Selah