1 Crónicas 4 - Biblia en Guaraní - ?anderuete ?e’? Por? 2015

Juda ñemoñarenguéra

1Juda ra’ykuéra: Peres, Hezron, Carmi, Hur ha Sobal.

2Reaías, Sobal ra’y, ita’ýra Jahat; ha Jahat ra’ykuéra: Ahumai ha Lahad. Ko’ãva hína umi Zoratgua rogayguakuéra.

3Ha ãva Etam ñemoñarenguéra: Jezreel, Isma ha Ibdas. Ha heindy réra Hazlelponi.

4Penuel, Gedor ru, ha Ézer, Husa ru. Ko’ãva Hur ra’ykuéra, Efrata memby ypykue, Belen ru.

5Asur, Técoa ru, hembireko mokõi: Hela ha Naara.

6Ha Naara imemby: Ahuzam, Héfer, Temeni ha Ahastari. Ãva Naara memby.

7Hela membykuéra: Zéret, Jezóar ha Etnan.

8Cos ra’ykuéra Anub, Azobeba ha Aharhel rogayguakuéra, Harum ra’y.

9Ha Jabes herakuã porãve ityke’yrakuéragui, isy ombohéra ichupe Jabes, he’ígui: Ahasa asyete ha’e onace meve.

10Ha Jabes ohenói Israel Járape, he’ívo: Cherovasa nga’ura’e, ha embotuichave chéve ko che yvy aikohápe, ha nde po oĩ nga’u chendive, ha chesalva mba’e vaígui, ani hag̃uátei chembyai. Ha Ñanderuete ome’ẽ ichupe imba’ejerure.

11Quelub, Sua ryvy, ita’ýra Mehir, kóva kuri Eston ru.

12Ha Eston ra’ykuéra Bet-rafa, Paséah ha Tehina. Tehina omopu’ã pe táva Nahas; ko’ãva hína Recaygua kuimba’ekuéra.

13Cenaz ra’ykuéra: Otoniel ha Seraías. Otoniel ra’ykuéra: Hatat,

14ha Meonotai, ha péva ra’y Ofra. Ha Seraías ra’y Joab, ko’ãva oiko Harasim vállepe, ha’ekuéra carpintéro (térã herréro) ikatupyrýva.

15Caleb, Jefune ra’y, ra’ykuéra: Iru, Ela ha Náam; ha Ela ra’y, Cenaz.

16Jehalelel ra’ykuéra: Zif, Zifa, Tiria ha Asareel.

17Ha Ezra ra’ykuéra: Jéter, Méred, Éfer ha Jalon. Ha ko’ãva Bitia membykuéra: Miriam, Samai ha Isba, ko Isba Estamoaygua. Bitia, faraon rajy, hese omendava’ekue Mered.

18Ha Mered rembireko Jehudaía imemby: Jéred, Gedor ru; ha Héber, Soco ru; ha Jecutiel, Zanoa ru.

19Ha Odías rembireko, Náham reindy, membykuéra: Kelia, pe Garmgua, ha Estemoa, pe Maacatgua.

20Simon ra’ykuéra: Amnon, Rina, Ben-hanan ha Tilon. Ha Isi ra’ykuéra: Zohet ha Benzohet.

21Sela, Juda ra’y, ra’ykuéra: Er, Leca ru; ha Laada, Maresa ru; ha umi Bet-asbeaygua ñemóñare omba’apova’ekue líno rehe (ojoguáva ao po’ípe);

22ha Joacim, ha Cozebaygua kuimba’ekuéra, Joas ha Saraf, ha’ekuéra ombopoguy Moabguakuérape ha oiko hikuái Lahémpe, ojehai háicha pe kuatiañe’ẽ ymaguarépe.

23Ko’ãva omba’apova’ekue ñay’ũ rehe, ha oiko hikuái Netaim ha Gedérape; omba’apo hikuái tetã ruvichápe g̃uarã.

Simeon ñemoñarenguéra

24Simeon ra’ykuéra: Nemuel, Jamin, Jarib, Zera, Saul.

25Saul ra’y, Salum; Salum ra’y, Mibsam; ha Mibsam ra’y, Misma.

26Misma ra’ykuéra: Hamuel, ita’ýra Zacur, ita’ýra Simei.

27Simei 16 ita’ýra ha 6 itajýra; ha umi ityke’ýra ndaita’ýra hetái, upévare noñembohetái hogakuéra umi Juda ra’ykuéraicha.

28Ha oiko hikuái Beersebápe, Molada, Hazar-sual,

29Bilha, Ézem, Tolad,

30Betuel, Horma, Siclag,

31Bet-marcabot, Hazar-susim, Bet-biri ha Saaráimpe. Ko’ãva itavakuéra, David oisãmbyhy peve.

32Ha itava’ikuéra: Etam, Ain, Rimon, Toquen ha Asan, 5 tava’i,

33ha opaite tava’i oĩva ko’ã táva jerekuévo Baal peve. Ko’ãvape, ha’ekuéra ha iñemoñarenguéra oiko.

34Hogaguasu ruvichakuéra réra: Mesobab, Jamlec, Josías, Amasías ra’y,

35ha Joel, Jehu, Josibías ra’y, Seraías ra’y, ha kóva Asiel ra’y;

36ha Elioenai, Jaacoba, Jesohaia, Asaías, Adiel, Jesimiel, Benaía,

37ha Ziza, Sifi ra’y, kóva Alon ra’y, kóva Jedaías ra’y, kóva Simri ra’y, kóva Semaías ra’y.

38Ko’ã Simeon rogaguasu ruvicha rerakuéra oñemotenondeve ambuekuéragui; ha ituvakuéra róga oñembohetaiterei.

39Ha og̃uahẽ hikuái Gedor ojeikeha peve, pe ñúme oĩva kuarahyresẽ gotýo peve, oho hikuái kapi’i rekávo hymbakuérape g̃uarã.

40Ha ojohu hikuái kapi’i anambusu porã, ha pe yvy ipy ha nandi porã, ha oĩ ñuguasu porã avei, umi Camgua ymaguare oiko haguépe.

41Ko’ã téra oñemoĩmava ko kuatiañe’ẽme, ou Ezequías, Juda retã ruvicha árape omosarambi ha ohundi hag̃ua umi oikóvape ko ñuguasu kóvape ha opyta hendaguépe ko ára peve; oĩgui upépe kapi’ipe hymbakuérape g̃uarã.

42Ijapytégui 500 kuimba’e, Simeon ñemoñarenguérava, ou Seir cérrope, ko aty kóva omoakã Pelatías, Nearías, Refaías ha Uziel, ko’ãvahína mburuvicha Isi ra’ykuéra meme.

43Ha ohundi hikuái umi Amalec rembyrekuérape, ha opyta hikuái hendaguépe ko ára peve.