1Che ningo pe kuimba’e añandumava’ekue Ñanderuete tukumbo, ha ipy’aro ho’a che rete ári.
2Chesãmbyhy ha chereraha pytũha ha hesakã’ỹha rupi.
3Añetehápe cherehénte Ha’e omopu’ã pu’ã ko’ẽ ko’ẽ rehe ipo.
4Ha’e ombotuja che ro’o ha che pire ha omopẽmba che kanguekuéra.
5Ombyaty che jerekuévo jehasa asy ha jejopy vaímante.
6Chereja aiko pytũguýpe, umi yma omanomava’ekuéicha.
7Opáguio rei chemongora, ha ndaikatuvéima asẽ mamove, ha hi’ári cheñapytĩ cadéna pohýipe.
8Ha jepevémo amba’ejerure asy ha asapukái ramojepe, Ha’e omboty ijapysakuéra che ñembo’égui,
9itaguasúpe ombotypa che rapekuéra, ndaiporuvéi hag̃uáicha.
10Ha’e oiko che rapére ku ósoicha (ojogua tamandu’aguasúpe) cherãirõserõ guáicha, ku leõicha oha’ãrõhína ñemiháme hembi’urã.
11Omoñuatĩmba che rapekuéra, añekarãimba ha aryryipa apytávo.
12Oipyso iguyrapa, cheapi hag̃uáicha ihu’ýpe.
13Omoingéma ihu’y che pitikiri’ĩme (riñónpe).
14Che retãyguakuéra oñembohorypa cherehe ipuraheikuéra rupi.
15Chemyenyhẽ py’a ñembyasýgui, chemboy’u mba’e iroitévape.
16Itápe Ha’e oheja che rãinguéra ojekapa, tanimbúpe chereity.
17Che ánga oñemomombyry py’aguapýgui, cheresaráima vy’águi.
18Ha che ha’éma: Opáma che mbaretekue ha umi mba’e aha’ãrõva ndahupitymo’ãvéima Ñanderuetégui.
19Nemandu’amína che jehasa asy ha che jepy’apy pohýi rehe, ha pe mba’e iroitéva ha pe pohã vai rehe,
20tapia chemandu’a umía rehe ha upévagui che ánga ikangypa che rete ryepýpe.
21Upeichavéramo jepe ajepy’amongeta ko’ã mba’ére, aha’ãrõta Nde chepytyvõ jevy hag̃ua.
22Ñanderuete poriahuvereko ningo ndopái, iporiahuvereko araka’eve ndoguéi.
23Iporiahuvereko oñembopyahu ko’ẽ ko’ẽre, ituichaite ningo imborayhu.
24Ñanderuete ningo che Jára, he’i che ánga, upévagui ajerovia hese.
25Ñanderuete ipy’a porãgui umi hese ojeroviávape g̃uarã, ha umi ohekávape g̃uarã ichupe.
26Iporãite ñaha’ãrõ kirirĩháme Ñanderuete ñepytyvõ rehe.
27Iporãite ningo yvyariguakuéra ogueraha ramo icangálla imitãrusu ára guive,
28kirirĩháme oha’ãrõ, Ñanderuete omoĩ hag̃ua hi’ári pe cangálla.
29Tomoĩ ijuru yvy timbo rehe, ha toha’ãrõ Ñanderuete pytyvõ rehe.
30Ha’e omoĩ hova’yke oñenupãvape, ha henyhẽ ñemotĩgui.
31Ñanderuete noporomboykéigui opaite ára peve g̃uarã,
32oporopy’apy ramojepe, oiporoporiahuvereko jevýta, tuichaitereígui imborayhu.
33Ha’e ndoipy’apýi yvyariguakuérape ovy’águi, (nahániri, oñekotevẽgui):
34Opyrũ rei ramo umi cárcelpe oĩvare ko tetãme,
35oñemboyke ramo tapicha derécho mbojovakehára renondépe,
36térã oñembojovake ramo hekope’ỹ hapichakuérape, umi mba’e umía Ñanderuete ndoheja reimo’ãi avavépe.
37Mávapa he’ikuaa oikova’erãha peteĩ mba’e, Ñanderuete ndoipotái ramo.
38Ñanderuete jurúgui osẽ jehovasa ha jehavira.
39Mba’éguipa ñande ñañembyasy Ñanderuete rehe, jaikove ramo ñane rembiapo vai rehe.
40Ñama’ẽ porãke ñande rapekuéra (rekove) rehe, ha ñañeha’ãmba jajevy hag̃ua Ñanderuete rendápe.
41Ñamopu’ã joaitéke ñande py’apy ha ñane ñembo’ekuéra yvága Járape g̃uarã.
42Ñande voi ñañemoĩmava’ekue hese, ha ndajaikói jaiko hag̃uáicha ha upévare Ha’e nañaneperdonái.
43Ha’e omyasãi ipy’aro, upévare Ha’e ñanemuña, ha ojuka oiporiahuvereko’ỹre avei ñande rapichakuérape.
44Araípe reñeñu’ã ani hag̃ua ore ñembo’e og̃uahẽ ne rendápe.
45Rejapo orehegui yty ha mba’e ky’a tetãnguéra apytépe.
46Opaite orerehe ija’e’ỹva oñe’ẽvai orerehe.
47Kyhyje ha ñuhã, tapere ha jepy’apy vai orerupitýma.
48Y añohẽ che reságui ku ysyrýicha, ajepy’apyetereígui, ahechávo mba’éichapa Jerusalen oñehundíma.
49Che resakuéra otyky ha ndopiséi, ndaipórigui pytu’umi.
50Ñanderuete oma’ẽ jevy peve yvágagui orepytyvõ jevy hag̃ua.
51Che resakuéra oñembyasyete umi jehasa asy che táva rajykuéra ohasavahína rehe.
52Cherehe ija’e’ỹva guyráicha chemuña reiete.
53Chereity hikuái yvykua pypukúpe ha cheári omombo gueteri ita chehundiete hag̃ua.
54Y oñu’ã che akã; ha che ha’e: Ko’ápe amanótama,
55upémaramo ahenóikuri nde réra, Nde, che Ruete, pe yvykua pypukuetépe aĩ jave,
56ha Nde rehendúkuri che ñe’ẽ: Ani reñomítei nde apysa che pyahẽ mba’ejerure asýgui.
57Ha upéi reñemboja cherehe rohenoiha árape, ha ere: Ani rekyhyjétei.
58Nde, che Jára, reikuaa porã che añandúva che py’apýpe ha resalva che rekove.
59Nde, che Ruete, rehechákuri chejopy vai rei hague; chepytyvõmína nde justícia rupi.
60Rehecháma mba’éichapa oñemoĩ hikuái cherehe.
61Rehendúma oñe’ẽvai hague cherehe, Nde, che Ruete, ha opaite mba’e ñemiháme oñembosako’íva chereity hag̃ua.
62Nde reikuaapa voi ha’ekuéra he’íva guive, ha opaite mba’evai oñembosako’íva cherehe ko’ẽ ko’ẽ rehe.
63Oñembo’y térã oguapy ramo hikuái, ipurahéi rupi tapia oñembohory cherehe.
64Nde, che Ruete, remyengoviáta ichupekuéra ipo rembiapo vaikue hekopete.
65Emohatã ipy’a ha ne maldicion to’a hi’arikuéra.
66Nde py’aro rupi eiko hapykuerikuéra, ha ehundi ichupekuéra ko yvy ape árigui.
Who We AreWhat We EelieveWhat We Do
2025 by iamachristian.org,Inc All rights reserved.
