1Cherendúke kirirĩháme, peẽ tetãnguéra yguasu pegua tapenemombaretéke; peñemboja che rendápe ñañemongeta ha ñañombojovake hag̃ua.
2Mávapa omopu’ãra’e kuarahyresẽguio peteĩ hekojojávape ou hag̃ua ipy rendápe ombopoguy hag̃ua tetãnguérape, ha omoĩ ichupe umi tetã ruvichaguasuete ramo; ikyse puku rupi omosarambi hese oñemoĩvape ku yvy timbóicha yvytu’atãme, ha iguyrapa omuña ichupekuéra ku yvyra rogue pirukuéicha yvytu’atãme.
3Omuña ichupekuéra, ha py’aguapypópe ohasa umi tape rupi ipy oja’ỹ ramoguáicha yvýre.
4Máva piko ojapóra’e ko’ã mba’e. Pe ohenóiva iñepyrũ guive tetãnguérape. Che, pende Jára, Che ningo pe tenondegua ha pe ipaha pegua, nañemoambuemo’ãi.
5Umi tetã yguasu rembe’y rupigua ohecha joáma ha okyhyjepa; ha umi yvy apýra paha pegua oñemondyipa ryryipópe; oñembyatypáma, ha ou joa hikuái.
6Umía oñopytyvõ, he’ívo ipehẽnguérape: Eñemokyre’ỹke.
7Upe ojapóva ijára gua’u ra’ãnga omokyre’ỹ pe óro ombohykukuaávape ha kóa omokyre’ỹ jevy umi oinupãvape martíllope pe óro omopererĩ hag̃ua, ha kóa omokyre’ỹ jevy upe ombojoajúvape oja porãmba hag̃ua, ha ipahápe ambue omombyta hatã pe ta’ãnga clávope, ani hag̃ua oku’e.
8Ha nde Israel, che rembiguái; nde Jacóbo, che aiporavomava’ekue; nde Abraham ñemoñare, Che rohayhu.
9Che rojapyhyva’ekue amo yvy paha ruguágui, ha tetã mombyryetégui rohenói, ha ha’e ndéve: Nde ningo che rembiguaitee; roiporavo ha noromboykemo’ãi.
10Ani rekyhyje, Che voi aĩgui nendive, aníke nde py’akangy, che ha’égui nde Jára, nemombaretéva, tapiaite roipytyvõta, ha añangarekóta nderehe che pu’aka rupive.
11Pema’ẽ porãke, opaite umi oñemoĩva’ekue nderehe oñemotĩeteva’erã, oikóta mba’evete ramo ha oñehundipava’erã.
12Rehekáta umi nderehe oñemoĩvape ha nderejohumo’ãvéi ichupekuéra, oikóta hikuái mba’evete ramo ha umi ojeityva’ekue ndeári opytáta mba’eve’ỹ ramoguáicha.
13Che ha’égui nde Ruete, nde Jára, Che rojapyhýma nde po akatúagui ha ha’e ndéve: Ani rekyhyje, Che roipytyvõta.
14Ani rekyhyje, nde Jacóbo yso, peẽ Israelgua pene mbovy ramojepe, Che ningo pene pytyvõhára, Che voi pende Ruete, Israel Jára, peneguenohẽva pende jejopy vaígui.
15Pema’ẽ porãke, Che romoĩkuri ku mba’e ra’ỹi jykyiha pyahu ramo, henyhẽva tãi hãimbe porãvagui remongu’ipa hag̃ua cérro ha yvy pu’ã opyta hag̃ua kapi’i rogue pirukuéicha.
16Remombóta yvytúre, ha pe yvytu oguerovevepáta, ha pe yvytu jepoka omosarambipáta; revy’aitéta nde Ruete ndive, ha nderoryetéta Israel Jára ndive.
17Umi ojepy’apýva ha imboriahuetéva oho y rekávo, ndojohúi katu, ikũ ikã ijy’uhéigui; Che, nde Ruete, ahendúta ichupekuéra, Che, Israel Jára, namotyre’ỹmo’ãi ichupekuéra.
18Umi yvy perõ ijyvateveha rupi Che amoheñóita ysyrykuéra, ha ñu rupi yvukuéra; pe yvy perõme oĩta y, ha yvy ikãvape oĩta yvu porãita.
19 Desiértope amoheñóita heta yvyra: Cédro, acácia, arrayan ha olívo; umi yvy inandiha rupi amoĩta yvyra oñondivepa: cipres, píno ha boje.
20Oimeraẽva ohecha ha oikuaa porã hag̃ua pende Ruete po ojapopa hague ko’ã mba’e, ha Israel Jára ojapopava’ekue oĩva guive.
Umi jára gua’u ndojapokuaái mba’eve21Peju ñembojovake rendápe, he’i pende Ruete; pemoĩ pene rembiapokue che renondépe, peñe’ẽ pendejehe, he’i Jacóbo retã ruvichaguasu.
22Peñemboja ha peikuaauka umi mba’e ojehútava ha pemombe’u oréve mba’épa he’ise umi mba’e ojehuva’ekue iñepyrũ guive, ha eikuaauka oréve umi mba’e outavahína.
23Eikuaaukána oréve umi mba’e ojehútava ñane renonderãme, ikatu hag̃uáicha roikuaa peẽ ijaraha; mba’eporã térã ivaíva pejapóva jepe, ikatu hag̃uáicha rohechakuaa ha rokyhyje avei.
24Pema’ẽ porãke peẽ voi ningo ndaha’éi mba’evete, ha pene rembiapokuéra ningo mba’evete avei; ha umi pendeporavova’ekue penemomba’eguasu hag̃ua mba’evai apohára ramo.
25 Nórteguio amopu’ã peteĩ kuimba’e ha outamahína ha’e; kuarahyresẽguio ha’e opyrũta mburuvichakuéra rehe, ku tuju rehe opyrũ háicha, pe ñay’ũ rehe ojapo háicha.
26Máva piko omomarandúra’e (oprofetiza) iñepyrũ guive, roikuaa hag̃ua ichupe, térã mávapa omombe’úra’e oréve ro’ekuaa hag̃ua: Upeichaite rohendúra’e. Añetehápe, ndaipóri avave omomarandúva, ndaipóri avave oporombo’éva, ha ndaipóri avei ohendúva pene ñe’ẽ.
27Che raẽte ambo’eva’ekue ko’ã mba’e Siónpe, ha Jerusalénpe ame’ẽta peteĩ ñe’ẽ rerahahárape omombe’u hag̃ua mba’e ipyahuha porãva ha oporombohorýva.
28Ama’ẽ ha ndaipóri avave; aporandu ko’ã mba’e rehe ha ndaipóri avave oporohekombo’éva; amba’eporandu ichupekuéra, ha nombohováiri mba’eve.
29Peikuaa porãke, ha’ekuéra mba’e reiha, hembiapokuéra ndaha’éi mba’eve, ijára ra’ãnga hykupyreguigua mba’e nandi ha yvytu rei.
Who We AreWhat We EelieveWhat We Do
2025 by iamachristian.org,Inc All rights reserved.