1Ha Ñanderuete he’i jevy chéve: Tereho ehayhu peteĩ kuñáme, nembotavy ramojepe ha oiko ramo jepi ambue kuimba’e ndive, upéicha ojehu voi chendive, Che ahayhu ramojepe Israel ra’ykuérape, ha’ekuéra katu omomba’eguasu ambue jarakuérape, ha ohayhu hikuái pe tembi’u oñekuave’ẽva ichupekuéra.
2Upéramo ajogua peteĩ kuña 15 pláta pehẽngue rehe ha 330 lítro cebáda rehe (ojoguáva trígope).
3Ha che ha’e ichupe: Nde reiméta chendive heta ára, ani reñeno térã reiko ambue kuimba’e ndive, ha che avei ndakemo’ãi nendive.
4Heta ára Israelguakuéra oikóta avei hetã ruvicha’ỹre, imburuvicha’ỹre, ikuave’ẽmby’ỹre, kuave’ẽmby renda’ỹre, pa’i ao’ỹre ha ambue jára gua’u ra’ãnga’ỹre.
5Uperirémante Israelguakuéra ojevýta oheka hag̃ua Ituvateépe, Ijárape ha David, imburuvichaguasúpe, ha umi ára pahápe ha’ekuéra kyhyjepópe og̃uahẽ ha ohayhu jevýta Ijarateépe.
Who We AreWhat We EelieveWhat We Do
2025 by iamachristian.org,Inc All rights reserved.
