1Ñanderuete ogueru jevývo umi Jerusalen pegua iñeñapytĩgui Israel retãme, ha’eténte ku ñande képe jahecha ramoguáicha.
2Upe ára upévape ñande juru henyhẽva’ekue pukágui, ha ñane kũ omomba’eguasu purahéi rupi Ñanderuetépe, ha upe ára upévape ambue tetãygua he’íta: Tuichaite mba’e ojapo Ñanderuete ko’ãva rehe.
3Añetehápe tuichaite mba’e Ñanderuete ojapo ñanderehe, upévare ñande javy’aiteva’ekue.
4Nde, ore Ruete, erumi jevy ore retãyguakuéra hembýva gueteri ambue tetãgui hembiguaikuéra ramo, ku ama omyenyhẽ jevy háicha pe ysyry Négevpe.
5Tesaypópe oñemitỹva’ekue, vy’apópe katu omono’õva’erã iñemitỹ’anguéra.
6Ha’ekuéra oñotỹ tasẽme, vy’apópe katu omono’õ jevyva’erã ikoga’akuéra.
Who We AreWhat We EelieveWhat We Do
2025 by iamachristian.org,Inc All rights reserved.
