1Che, Juan, pe anciáno, ahai ko kuatiañe’ẽ Gáio ahayhúvape, che rohayhu añetehápe.
2Che rayhupára, opaite mba’épe aha’ãrõ oho porã ndéve ha taneresãi oho porã háicha ne ángape.
3Che ningo avy’aite ahendúgui ñane hermanokuéra og̃uahẽramóva jurúgui mba’éichapa reguata porã pe añetegua rapére.
4Chéve ndaipóri vy’a tuichavéva kóvagui, ahendu ramo che ra’ykuéra ha che rajykuéra pytu porã reheguáva oguata porãha oikóvo pe añetegua rapére.
Gáio omog̃uahẽ hógape mbohupakuérape5Che rayhupára, kyre’ỹpópe ningo rejapo opaite mba’e rejapóva guive ñane hermanokuérape g̃uarã, ou ramojepe mombyrýgui.
6Umi og̃uahẽva’ekue nde rógape oikuaaukáma ñandéve ñañembyatýva guive iglésiape, mba’éichapa nde rehayhu ichupekuéra, ha reipytyvõmi ohokuévo hemikotevẽme.
7Ha’ekuéra oiko omyasãi hag̃ua Hesu Crísto réra, ndojapyhýi hikuái mba’eveichagua ñepytyvõ Ñanderuete rehe ojerovia’ỹvagui.
8Ñande ñaipytyvõva’erã umívape jaiko hag̃ua ipytyvõhára ramo ha ñambovevúi hag̃ua hembiapokuéra, omyasãi aja pe añetegua rape.
Diótrefes oñemoĩ iglesiayguakuéra rehe9Che ahaíma peteĩ kuatiañe’ẽ pe iglésiape, Diótrefes katu pe oñemotenondesevéva opavavégui, naoremog̃uahẽi.
10Upévarehe che ahárõ hendápe amomandu’áta ichupe hembiapo vaikue ha iñe’ẽ japu rehe ha’e omyasãiva avei orerehe. Ha hi’ariete nomog̃uahẽi hógape umi hermáno mombyrygua omyasãiva Hesu Crísto réra ha ndoipotái avei avave omog̃uahẽ ichupekuéra hogakuerateépe, omosẽ uvei ko’ãvape iglésiagui.
Oñe’ẽ porã hikuái Demétrio rehe11Che rayhupára, ani rejapo ivaíva, iporãva uvei. Upe ojapóva mba’e iporãva, Ñanderuete reheguáva; ha pe hembiapo vaíva katu, ndohechái Ñanderuetépe.
12Demétrio rehe opavave oñe’ẽ porã, ha ha’e omyasãi hekópe pe añetegua rape, ha opárupi roñe’ẽ porã avei hese ha nde reikuaa porã ore romombe’uha pe añetegua.
Ñemomaitei paha13Hetave mba’e areko ahaive hag̃ua, ndahaiséi ko’ág̃a kuatia rehe,
14aha’ãrõgui rohecha pya’e hag̃ua, upéramo ñañomongetáta oñondive.
15Tandepy’aguapy. Ñande rayhupára ko’apeguáva nemomaiteiuka, ha emomaiteiuka avei ñande rayhupára heratee rupi.
Who We AreWhat We EelieveWhat We Do
2025 by iamachristian.org,Inc All rights reserved.
