Jonas 3 - Biblia en Guaraní - ?anderuete ?e’? Por? 2015

1Upéi Ñanderuete oñe’ẽ jevy Jonáspe ha he’i:

2Epu’ã ha tereho Nínivepe, pe tavaguasuetépe, ha emombe’u ipype che ñe’ẽ Che ha’étava ndéve.

3Ha Jonas opu’ã ha oho Nínivepe Ñanderuete oipota háicha. Nínive peteĩ táva tuichaitereíva, peteĩ kuimba’e oikotevẽ mbohapy ára ohasa hag̃ua imbyte rupi.

4Ha Jonas oikévo pe távape, ha’e oguata peteĩ ára pukukue ha upe ára jave omombe’u Ñanderuete ñe’ẽ ha he’i: Ko ára guive, 40 ára haguépe Nínive oñehundíta.

5Ha umi Niniveygua oguerovia Ñanderuetépe, ha ohechauka oñembyasyha hikuái, upévare ndokaruvéi ha oñemonde ao vosakuépe, itujavéva guive imitãvéva peve.

6Ha ko marandu og̃uahẽ Nínive retã ruvichápe, ha opu’ã iguapyhaguasúgui omboi ijao ha omonde avei ao vosakue, ha oguapy tanimbúpe.

7Ha oikuaauka iñe’ẽ ha imburuvichakuéra rembipota opaite Niniveyguápe: Opaite kuimba’e, kuñakuéra ha taymbakuéra, guéi ha ovechakuéra anítei ho’uve mba’eve, anítei oñeme’ẽ ichupekuéra hi’upyrã térã y hoy’u hag̃ua,

8toñemondénte ao vosakuépe kuimba’ekuéra, kuñakuéra ha tymbakuéra, ha tojerure asy Ñanderuetépe, Ha’e oiporiahuvereko hag̃ua; ha oimeraẽva topoi heko vaígui, ha tome’ẽ jevy imondapyre oguerekóva ipópe ijarateépe.

9Ikatu porãnte ningo Ñanderuete oñembyasy orerehe, ha ojei ipochýgui, ha ikatu péicharõ nañamanombái.

10Ha Ñanderuete ohechávo oñembyasyha hikuái ha opoi hague heko ha hembiapo vaígui operdona ha ndohavirái ichupekuéra.