1Asa oisãmbyhývo 36 áño ou Baasa, Israel retã ruvicha, ojeity hag̃ua Juda ári, ha omongora Rama, ani hag̃ua avave osẽ térã oike Juda retã ruvicha, Asa rendápe.
2Upéramo Asa oguenohẽ pláta ha óro Ñanderuete rógagui, ha tetã ruvicha rógagui, ha oguerahauka Síria retã ruvicha Ben-adádpe, oikóva Damáscope, ha he’iuka ichupe:
3Eñembopy’apeteĩna orendive, nde ru oiko haguéicha che ru ndive; péina ápe che agueruka ndéve pláta ha óro, eju ha embyai pe jekupyty reguerekóva Israel retã ruvicha, Baasa ndive, ikatu hag̃uáicha ha’e oñemomombyry jevy chehegui.
4Ha Ben-adad omoneĩ tetã ruvicha Asápe, ha omondo isoldádo aty Israel tavakuérape; ha omoĩ ipoguýpe Ijon, Dan, Abel-máim ha umi táva oñeñongatuha hi’upyrãnguéra Neftali departaméntope.
5Ohendúvo ko’ã mba’e Baasa nomopu’ãvéi Rama, ha opoi pe tembiapo pévagui.
6Upéramo tetã ruvicha Asa ombyaty opaite Judayguápe, ha oguerahapa umi ita ha yvyra Baasa oiporumo’ãva’ekue, omopu’ã porãve hag̃ua Rama, ha umi ita ha yvyra reheve Asa omombarete Geba ha Mizpa.
7Umi ára umívape ou Hanani, pe proféta, Juda retã ruvicha Asa rendápe, ha he’i ichupe: Rejeroviágui Síria retã ruvicha rehe, ha nderejeroviáigui Ñanderuete, nde Jára rehe, upévagui Síria retã ruvicha soldádo aty ojehekýita nde pógui.
8Umi Etiopiaygua ha Libiayguakuéra ndaha’éipara’e peteĩ soldádo aty tuichaitereíva, cárro reheve ha hetaiterei kuimba’e kavaju árigua reheve, ha upeichavéramo jepe pejeroviágui Ñanderuete rehe, Ha’e omoĩkuri ichupekuéra nde pópe.
9Ñanderuete resa ohechapa opaite yvy ape ariguápe, oipytyvõ hag̃ua ipu’aka rupi umi ojeroviáva añetehápe hese. Ko’ã mba’e rejapóva itavýva rembiapo; ko ára guive reñorãirõva’erã remano meve.
10Upévare Asa ipochy pe proféta ndive, ha omoinge ichupe cárcelpe, ipochyetereígui ko’ã ñe’ẽ ko’ãva rehe. Umi árape Asa ojopy vai avei heta hetãyguakuérape.
Asa omano11Péina ápe Asa rembiapo iñepyrũnguévo ha ipahakuevogua, ojehai Juda ha Israel ruvichakuéra rembiapo kuatiañe’ẽme.
12Asa oisãmbyhy rire 39 áño ou hasyete ipýgui, ha imba’asy rupi ndohekavéi Ñanderuetépe, ohekánte pohãnoharakuérape.
13Ha Asa omano, oisãmbyhy rire Israelguakuérape 41 áño.
14Ha oñotỹ ichupe hikuái pe tyvýpe ha’e ojapoukava’ekue imba’erã ramo David távape; ha omoĩ ichupe hikuái peteĩ te’õngue ryrúpe, ha omyenyhẽ opaichagua mba’e ryakuã porãgui, tyakuã apohakuéra ikatupyrýva ojapomava’ekue; upéi ojapo hikuái peteĩ tata ndetuicháva ha upévarupi ombotuicha hag̃ua héra.
Who We AreWhat We EelieveWhat We Do
2025 by iamachristian.org,Inc All rights reserved.
