1Mba’éichatamora’e nde reiko peteĩ che kyvy ramo, che sy pyti’a rehe okambumava’ekue: Upéicha ramo, rojohu ramo okápe, rohetũva’erã ha avave nde’imo’ãi mba’eve.
2Che rogueraháta che sy rógape, nde chembo’e hag̃ua ha che ha’ukáta ndéve víno granáda rykuere.
3Ijasu toĩ che akã guýpe ha ijakatúape tacheñu’ã.
4Karia’y oñe’ẽ: Che ajerure asy peẽme, peẽ Jerusalen rajykuéra, ani pemombáy ha ani pemondýi che mborayhúpe, peheja toke ha’e okeseha peve.
Pe mborayhu pu’aka.5Jerusalen rajykuéra oñe’ẽ: Máva piko pe kuñataĩ oúva pe desiértogui, ojejokóva imborayhu jára rete rehe. Karia’y oñe’ẽ: Peteĩ manzána máta guýpe romombáy; upépe hasýkuri nde sy, nemonace hag̃ua.
6Kuñataĩ oñe’ẽ: Erahána che ra’ãnga nde py’apýpe ha emoĩmína pe pyapykua (brazalete) nde jyva rehe; pe mborayhu imbarete ñemanóicha; ha pe ohayhúva hakate’ỹ imborayhu rehe, ku omanova’ekue retã hakate’ỹ háicha hi’angakuéra rehe. Pe mborayhu hendýma ñepyrũme tatapỹicha ha upéi okakuaa tata tuicháicha.
7Pe y osyry imbarete ramojepe nomboguéi pe mborayhu rata. Peteĩ kuimba’e ome’ẽmba ramojepe oguerekóva guive ndikatumo’ãi ojogua pe mborayhu, ha ambuekuéra oñembohorýta hese.
8Ikyvykuéra oñe’ẽ: Roguereko peteĩ ore reindymi, ne’ĩrava ojekuaa ikáma: Mba’épa rojapóta ou ramo ojeruréva hese.
9Korapyjere yvate mba’e ramo ha’e, romopu’ãta hi’ári peteĩ ogaguasu óro morotĩguiguáva; okẽ ramo hína ha’e, rombotyetéta cédro imbaretéva reheve.
10Kuñataĩ oñe’ẽ: Che ningo korapy rokẽ yvate, ha che pyti’a ku óga yvatéicha aikoha ára guive hesa renondépe ku py’aguapy ojohu ramoguáicha.
11Salomon oguerekókuri peteĩ parralty Baal-hamónpe, ha péva omoĩ iñangarekohára poguýpe, ha ogueruva’erã 1000 óro morotĩ pehẽnguemi hi’akuerakue rehe.
12Che parralty, che mba’e tee, oĩhína che renondépe: Umi 1000 óro morotĩ pehẽngue ne mba’erã meme, nde Salomon, ha hi’ári ame’ẽ 200 umi hi’akue rehe oñangarekóvape g̃uarã.
13Karia’y oñe’ẽ: Nde reikóva umi yvoty ykére, umi nemoirũva ohendu ne ñe’ẽ, ehendukamína chéve avei.
14Kuñataĩ oñe’ẽ: Ndepya’éna, che mborayhu jára ha eiko ku guasúicha, térã ku guasu ra’ýicha oikóva umi cérro rusúre henyhẽva tyakuã porãgui.
Who We AreWhat We EelieveWhat We Do
2025 by iamachristian.org,Inc All rights reserved.
