1Reikuaa piko pe ára umi kavara saite imembytaha. Rehecha piko umi guasukuña imemby jave.
2Reipapakuaa piko mboy jasýpa ohasa ha’e imemby peve ha reikuaa piko araka’etépa imembýta.
3Oñemokarapã hikuái imemby hag̃ua ha upévo imemby ho’a.
4Imembykuéra oñemombarete ohóvo, okakuaa porã ñuguasúpe ha upéi ndouvéi isy oĩháme.
5Máva piko opoíra’e pe búrro saite, ha mávapa ojorára’e.
6Che ame’ẽ burro saitépe umi ñuguasu ha juky rendag̃ua oiko porã hag̃ua.
7Ha’e oñembohory hikuái umi tetãygua táva ayvu pegua rehe, nohendúi umi tymba sãmbyhyhára ñe’ẽ.
8Kapi’i rekávo oiko cérro rehe, ho’u hag̃ua opaite mba’e hovýva ojohúva guive.
9Pe tóro saite piko omba’aposéne ndéve g̃uarã, térã okénepa ne rymba karuha oĩháme.
10Rejokuánepa pe tóro saite tukumbópe oyvymbovo (oara) hag̃ua. Omba’apónepa nde kokuépe.
11Rejeroviánepa hese imbareteiterei haguére, rembohasakuaánepa ichupe ne rembiaporã.
12Rehejátapa ha’e omono’õ ne mba’e ra’ỹingue, ha ombyaty hag̃ua ne ñemitỹnguéra.
13Pe ñanduguasu kuñáva ombopepe vy’apópe ipepo, ndaha’éi ramojepe ku tujuju pepóicha.
14Oheja rei hupi’akuéra yvyku’ípe, kuarahy ombyaku hag̃ua oja peve,
15 nopensái ikatúne hag̃ua oñepyrũ hesekuéra térã mymba saite ñu rupigua ojoka hupi’akuéra.
16Ohekombo’e hatã imembykuérape, naimba’éirõ guáicha, ndokyhyjéi omba’apo rei hag̃ua.
17Arandu ha akãguapy name’ẽi ichupe.
18Okakuaa ha imbarete rire oñembohory kavaju ha hi’ariguáre (ipya’evégui).
19Nde piko reme’ẽra’e kavajúpe imbarete, Nde piko remondéra’e ijajúra rehe hague ipukúva.
20Nde piko rembopopokuaa ichupe ku tuku ramoguáicha. Itĩmbúgui ojekyhyje.
21Oikarãi pe yvy ha vy’apópe oñani opaite imbarete reheve ñorãirõrãme.
22Oñembohory ñemondýire ha ndokyhyjéi ni nomboykéi hova pe kyse pukúgui.
23Hi’ári hyapu hu’y ryru, yvyra akua puku ha kyse puku,
24mbarete ha pochypópe oñani (ovevérõ guáicha), ha mba’eve ndojokói ichupe ohendu guive pe turu ñe’ẽ.
25Ombohovái uvei ñorãirõ ayvu iñe’ẽ rupi, ha mombyry guive ohetũ pe ñorãirõ ha ojapysaka umi mburuvicha sapukái rehe.
26Pe taguato piko oveve ne arandu rupi ha oipyso sur gotýo ipepokuéra,
27térãpa pe ñapykani (ojogua taguato guasuetépe) oveve yvate nde ere haguére ha reipotágui ojaitypo yvate.
28Ha’e oiko cerrorusúpe, ha ojaitypo cérro ru’ãnguápe.
29Upeguive oma’ẽ hembi’urã rehe, hesakuéra ohechapa mombyryete guive.
30Ita’yrakuéra oipyte soldádo ruguy, ha mamo oĩháme soldádo re’õngue, upépe oñembyaty hikuái.
Who We AreWhat We EelieveWhat We Do
2025 by iamachristian.org,Inc All rights reserved.
