1Upéi Moises ojupi Moab ñúgui Nebo cérrope, Pisga ru’ãme, opytáva Jerico rovái, ha Ñanderuete ohechaukapa ichupe Galaad yvy guive Dan yvy peve,
2ha Neftali, Efrain ha Manases yvy, Juda yvy tuichakue kuarahyreikeháguio yguasu peve;
3ha Négev ha Jerico ñu porã, pe táva ipindo hetáva, Zoar peve.
4Ha Ñanderuete he’i Moiséspe: Kóa ningo pe yvy ame’ẽma che ñe’ẽ rupi Abraham, Isaac ha Jacóbope, ha ko’ág̃a iñemoñarenguérape. Ha péina ahechauka ndéve nde resatee rupi, rehecha hag̃uánte, ndereikemo’ãi katu ipype.
5Ha upépe omano Moises, Ñanderuete rembiguái, Moab yvýpe, Ha’e he’i haguéicha.
6Ha oñeñotỹ ichupe Moab yvypépe, Bet-peor rovái; avave ndoikuaái katu ityvy oñeñotỹ haguépe ichupe ko ára kóva peve.
7Moises oguereko 120 áño omano ramoguare; hesakuéra naiñypytũi gueteri, hesãi ha imbarete gueteri.
8Ha Israel ñemoñarenguéra oguerojahe’o Moiséspe, Moab ñúme, 30 ára pukukue; ha uperire omboty umi jahe’oha ha ñembyasyha ára Moises rehe.
9Ha Josue, Nun ra’y, henyhẽ pytu arandu peguágui, Moises ombohasava’ekue ichupe ipytu omoĩvo ipo Jose akã ári, upévare Israel ñemoñarenguéra iñe’ẽrendu ichupe, ha ojapopa hikuái Ñanderuete he’i haguéicha Moiséspe.
10Araka’eve nopu’ãvéi ambue proféta Israelguakuéra apytépe ojoguáva Moiséspe, ha’e oñe’ẽ jave Ñanderuete ndive ohecha ichupe hesatee rupi (omano’ỹre).
11Ndaipóri ambue ha’eichagua ojapova’ekue Ñanderuete rembiapo ha milágro Egípto retãme, faraon ha hembiguaikuéra renondépe,
12Moises ojapo umi milágro oporomongyhyjéva mayma Israelgua resa renondépe.
Who We AreWhat We EelieveWhat We Do
2025 by iamachristian.org,Inc All rights reserved.
