1Nde, ore Ruete, Nde reiporiahuvereko ne retãme ha reguerukapa jevy umi Jacóbo ra’ýpe oñeñapytĩ hágui, (tembiguái rekógui).
2Nde voi reperdona ne retã ñañangue, rejaho’ipaite hembiapo vaikue. Selah
3Emboykemína nde py’aro ha epoimína nde pochýgui.
4Orembopyahu jevýna, Nde, ore Ruete, ore pytyvõhára, ha emboykemína ne ñeko’õi.
5Opaite ára peve piko ndepochýta orendive. Reipysóta piko nde pochy ituvakuéra ára guive iñemoñare jevy jey peve.
6Neremoingove jevymo’ãvéi piko ne retãme, ore rovy’a jevy hag̃ua nendive.
7Ehechaukamína oréve, Nde, ore Ruete, nde poriahuvereko, ha oreguenohẽ ore jejopy vaietégui.
8Ajapysakáta ore Ruete he’ítava rehe, Ha’émante ombopy’aguapy hetãme ha umi heko potĩvape, anive hag̃ua ojavy jevy hikuái.
9Añetehápe ag̃uiete ningo oĩ ipytyvõ, opaite umi okyhyjévape ichugui, Ñanderuete reko jajaipa toiko ñane retãme.
10Poriahuvereko ha añetegua tojejohu ko tetãme, ha justícia ha py’aguapy toñohetũ.
11Pe añetegua heñóita hetãgui, ha pe justícia oma’ẽta yvága guive.
12Ñanderuete ome’ẽta mba’eporã, ha ñande yvy hi’a porãta.
13 Justícia ohóta henonderãme ha omoirũta ichupe opaite haperãme.
Who We AreWhat We EelieveWhat We Do
2025 by iamachristian.org,Inc All rights reserved.
