1Ha nde, epurahéi ñembyasy purahéi reheguáva umi Israel ruvichakuéra rehe,
2ha eréta: Mba’eichaitépa nde sy oiko leõ kuña ramo, leõ atýpe: Umi leõ ra’yrusu apytépe omongakuaa hag̃ua imembykuérape.
3Ha’e oñangareko ha omokambu porã imembýpe, ha oiko ichugui peteĩ leõ ra’yrusu ikatupyrýva, ho’úva avei yvyariguakuérape.
4Ha umi tetãygua oñembyaty ojapyhy hag̃ua ichupe, ha ho’a rire iñuhãme ogueraha ichupe ty’ãi hierroguigua reheve Egípto retãme.
5Ha pe leõ sy ohechávo oñembotavy hague ichupe ojapyhy ambue imemby, ha ojapo ichugui leõ ra’yrusu.
6Ha ha’e oiko leõ apyte rupi; ha oiko ichugui leõ ra’yrusu ikatupyrýva, ojapyhy porãkuaáva hembi’urã ho’úvo yvyariguakuérape.
7Ombyai hóga oñemombaretéva ha ombotapere tavakuéra ha sarambi ojapo hetãpýpe ha, okororõ ramo ha’e, oñemondyipa joa hikuái.
8Oko’ipa hese tetãnguéra ijerekuévo oikóva guive, ha omyasãi hikuái henonderãme iñuhã, ha oity hikuái ichupe yvykuápe.
9Ha omoĩ ichupe hikuái peteĩ cajon guasúpe ha ty’ãime ombotyryry ichupe Babilónia retã ruvicha rendápe; ha omoinge ichupe peteĩ óga oñemombarete porãitévape, anivéma hag̃ua oñehendu ikororõ Israel cerrokuéra rehe.
10Nde sy ojogua parral oñeñotỹva’ekuépe y rembe’ýpe, hoky ha hi’a heta oĩgui y rembe’ýpe.
11Hakã imbarete apytégui okakuaa tetã ruvicha yvyra po’i; hakãnguéra opu’ã yvate, ha ojehecha mombyry guive ijyvate ha hakã hetaitereígui.
12Ha jaheipópe oñemondoróra’e, ojeity yvy rehe, ha pe yvytu kuarahyresẽguio oúva ombopiru hi’a; hakãnguéra imbaretéva opẽmba ha ipirupa, ha tata ombokusuguepa.
13Ha ko’ág̃a oñeñotỹ yvy perõme, yvy oky’ỹháme ha heñoi’ỹháme mba’eve.
14Ha osẽ tata hakãgui, ha ohapypa hi’a, ha ndopytavéi hese hakã imbaretéva ojejapo hag̃ua tetã ruvicha yvyra po’irã. Ko purahéi ñembyasy rehegua, ojeporúta purahéi ñembyasy ramo (Israel retãme).
Who We AreWhat We EelieveWhat We Do
2025 by iamachristian.org,Inc All rights reserved.
