1Mba’érehe piko reñembotuicha neñañareko haguére, nde kuimba’e nembaretetéva. Ñanderuete poriahuvereko ningo oiko tapia g̃uarã.
2Nde jurúgui heñói mba’evai nde rapicháre, ku kyse hãimbéicha nde juru oporombotavysénte.
3Rehayhuvéra’e pe mba’evai, mba’eporãgui; ha pe japu, añeteguágui. Selah
4Rehayhúra’e opaichagua ñe’ẽ oporombyaikuaáva, nde tekove japu.
5Upévare Ñanderuete nehundíta opaite árape g̃uarã, Ha’e nembotaperéta ha nderekýita nde rekohágui, ha ohekýita nde rapo oikovéva retãgui. Selah
6Péva umi hekojojáva ohechapáta ha okyhyje joáta, opuka joava’erã hese, he’ívo:
7Péina ápe pe kuimba’e jeroviase’ỹva Ñanderuetére, ojeroviágui imba’erepyeta rehe, ha oñemombarete iñaña reko rehe.
8Che katu aiko ku olívo máta rovyũicha Ñanderuete rogaguasúpe, Ñanderuete poriahuvereko rehe ajeroviase opaite árape.
9Romomba’eguasúta opaite árape heko potĩva apytépe rejapo porãmba haguére, ha ndehegui aha’ãrõta opaite mba’e Nde ndepy’a porãgui.
Who We AreWhat We EelieveWhat We Do
2025 by iamachristian.org,Inc All rights reserved.
