1Umi ára umívape oñembohetave ohóvo umi ojeroviáva Hesu Crísto rehe, ijapytépe katu umi Israelgua oñe’ẽva Greciaygua ñe’ẽme oñepyrũ oñe’ẽ suguy umi Israelgua oñe’ẽva iñe’ẽteépe, pe hebréo, he’ívo iviudakuérape noñepytyvõiha hekópe ambuekuéraicha.
2Ha umi 12 apóstol ohenoimba umi ojeroviáva guivépe Hesu Crístore ha he’i: Naiporãi ore romotenondeve pe tembi’u ñemboja’o Hesu Crísto ñemombe’úgui.
3Upévare peheka pende apytégui 7 kuimba’e herakuã porã ha henyhẽva Pytu Porãmbáva ha arandúgui, ore romoĩ hag̃ua ko tembiapo kóva ipopekuéra.
4Ore romotenonde jevy hag̃ua pe ñembo’e ha Hesu Crísto ñe’ẽ ñemombe’u.
5Ha péva iporã opavavépe, ha oiporavo hikuái: Estébanpe, kuimba’e henyhẽva jerovia ha Pytu Porãmbávagui, ha upéi, Felípepe, Prócorope, Nicanórpe, Timónpe, Parménaspe ha Nicoláspe, peteĩ Antioquiaygua.
6Umíape ha’ekuéra omoĩ apostolkuéra renondépe, ha ko’ãva oñembo’e ha omoĩ ipokuéra hi’arikuéra.
7Ha Ñanderuete ñe’ẽ oñemyasãi Jerusalénpe, ha oñembohetave ohóvo umi ojeroviáva Hesu Crístore, ha heta pa’i ojeroviáva avei Hesu rehe.
Ojeapresa Estébanpe8Estéban henyhẽ Pytu Porãmbávagui ha pu’akágui ojapo hag̃ua milágro ha techaukahakuéra hetãyguakuéra apytépe.
9Ha umi esclavokue, ojepoimava’ekue, oñembyatýva peteĩ Ñanderuete rógape ichupekuéra g̃uarãnte, oñemoĩ hikuái peteĩ ñe’ẽme umi Cireneygua ndive, Alejandriaygua ndive, umi Ciliciaygua ha umi Asiaygua ndive oñemoĩ hag̃ua Estéban rehe, ha oñepyrũ oñeñe’ẽ joapi hendive (ojodiscuti).
10Ha’ekuéra ndaipu’akái katu Estéban rehe, pe Pytu Porãmbáva oipytyvõgui ichupe ha’e iñaranduve hag̃ua hapichakuéragui.
11Upérõ ombopopegua hikuái umi tekove vaípe he’i hag̃ua: Rohendu ningo Estéban oñe’ẽvai hague Moises ha Ñanderuete rehe.
12Upéicha ombopochy hikuái hetãyguakuérape, ancianokuérape ha umi kuatia haihárape ojeity hag̃ua hi’ári ha ñembotyryryhápe ogueraha ichupe Israel ruvichakuéra rendápe, ombojovake hag̃ua ichupe.
13Ha ogueru techahare japu he’i hag̃ua: Ko kuimba’e ningo oñe’ẽvaihína Ñanderuete rogaguasu ha Moises rembiapoukapykuéra rehe,
14ore ningo rohendu ha’e he’i hague Hesu, pe Nazaretgua, ombyaitaha ko ogaguasu kóva ha omoambuetaha umi jepokuaa Moises ome’ẽmava’ekue ñandéve.
15Ha opaite umi 71 mburuvicha oguapýva pe ñembojovake rendápe oma’ẽ porã Estéban rehe, hova ojoguágui peteĩ ángel rovápe.
Who We AreWhat We EelieveWhat We Do
2025 by iamachristian.org,Inc All rights reserved.
