Salmokuéra 130 - Biblia en Guaraní - ?anderuete ?e’? Por? 2015

Upe oñembyasyetéva ojapo vai haguére, katuete ohupity jevýta Ñanderuete poriahuvereko

1Pe tugua pypuku guive, ajerure asy ndéve, che Ruete.

2Che Ruete, ehendumína che ñe’ẽ, ejapysakamína nde guapyhaguasu guive che mba’ejerure asy rehe.

3Ore Ruete, Nde nemandu’a ramo ore rembiapo vai rehe, mávapa oñembo’ykuaa gueteri ne renondépe.

4Nendive katu oĩ perdon, ojekyhyje guive ndehegui.

5Che aha’ãrõ Ñanderuete chepytyvõ hag̃ua, che ánga oha’ãrõ ne ñe’ẽ ojejapopa hag̃ua hekoitépe.

6Che ánga oha’ãrõve Ñanderuetépe umi guárdia pyhare peguágui, oha’ãrõva iko’ẽmba hag̃ua.

7Israel toha’ãrõ Ñanderuetépe, Ñanderuete ndivénte oĩ jeporiahuvereko, Ha’émante operdonakuaa,

8Ha’émante oipe’a Israel rembiapo vaikue.