Salmokuéra 138 - Biblia en Guaraní - ?anderuete ?e’? Por? 2015

Amomba’eguasu Ñanderuetépe, Ha’e ipy’a porã haguére - David purahéi

1Che py’aite guive romomba’eguasu, apurahéi ndéve salmokuéra umi jarakuéra renondépe.

2Añesũ nde róga gotýo ha amomba’eguasu nde réra nde poriahuvereko ha nde reko añete rehe, nde réra ha ne ñe’ẽ rembotuichave opaite ambue mba’ekuéragui.

3Che ahasa asy jave che rohenói ha Nde chemokyre’ỹ jevy ha remombarete che ánga.

4Tanemomba’eguasu, Nde, ore Ruete, mayma tetã ruvicha ko yvy apére, ohendúgui umi mba’e nde juru he’íva.

5Ha ogueropurahéi joava’erã hikuái Ñanderuete oisãmbyhy porã haguére, Ñanderuete pu’aka tuichaitereirasa voi.

6Ñanderuete ijyvateiterei ramojepe, oma’ẽ upe oñemomirĩva rehe, ha upe oñembotuichávape Ha’e oikuaa porã.

7Aiko ramo jepy’apy vaípe, Nde chemoangapyhy jevy, Nde chepytyvõ umi cherehe ija’e’ỹvagui ha Nde voi reipyso nde po akatúa chepytyvõ hag̃ua.

8Ñanderuete ojapova’erã mba’e iporãitéva chéve g̃uarã, ne mborayhu ndopamo’ãi araka’eve, ani repoi ne rembiapokuégui.