Salmokuéra 6 - Biblia en Guaraní - ?anderuete ?e’? Por? 2015

Ñembo’e ojeruréva poriahuvereko jehasa asyha árape - David purahéi Seminítpe

1Ñanderuete, anína cheja’o nde pochy reheve, ha ani chehavira ndepochy jave.

2Cheporiahuverekomína, Nde, che Ruete, cherasy ningo; chemonguerána, Nde, che Ruete, che kanguekuéra oryryipágui.

3Che ánga tuicha oñemondýi, ha Nde, che Ruete, araka’e peve piko reñemomombyrýta chehegui.

4Ejumína, Nde, che Ruete, eipe’ami che jejopy vai che ángagui; nde poriahuvereko rupi chepytyvõmína.

5Omanóva ningo ndikatuvéima imandu’a nderehe, ha mávapa nemomba’eguasúta omanomava’ekue retãme.

6Chekane’õiterei chepyahẽgui, opaite pyharekue ajahe’o che rupápe, tesaýpe amohe’õmba che rupa.

7Che resa ikangypáma che jepy’apy pohýi rupi, che resakuéra ikane’õmbáma che jejopy vai rupi.

8Pejei che ypýgui, mayma pejapóva guive mba’evai, Ñanderuete ohendúma che jahe’o.

9Ñanderuete ohendúma che mba’ejerure, Ha’e oguerekóma ipópe che ñembo’e.

10Otĩetereíta ha ipy’atarováta mayma cherehe ija’e’ỹva, ohopa jevýta peteĩ tesa pirĩme ha tĩndyhápe okañýta henondégui.