1Ñanderuete oñe’ẽ Jeremíaspe umi Filisteaygua rehe, faraon ohundi mboyve Gázape.
2Péicha he’i Ñanderuete: Pema’ẽ porãke, yvatéguio ou pe ysyry, ha hatãite osyrýta, oñuãmba peve ijyvy tuichakue, itavakuéra ha ipy peguakuérape; ha hetãyguakuéra osapukái ha ojahe’ojoáta,
3ikavaju pysãpẽ ha icárro ryapúgui, ituvakuéra noma’évéi ita’yrakuéra rehe, ipokuéra ikangypágui.
4Og̃uahẽmagui pe ára Filisteayguakuéra oñehundipa hag̃ua, hendive Tíro, Sidon ha mayma ipytyvõharakuéra hembýva guive; Ñanderuete ohundipáta Filisteayguakuérape, umi hembymiva’ekuépe Caftor íslagui.
5Gazaygua oñemoakã perõ, Ascalon oñehundíma ha umi hembymíva Enac ñemoñarégui ha oikóva cerrokuéra pa’ũme araka’e pevépa peikytĩ kytĩta pende pire peñembyasyetégui.
6Angái, angái, araka’épa Ñanderuete kyse puku opytu’úta. Eike jevy nde ryrúpe, epytu’u ha ejejoko.
7Mba’éicha piko repytu’úta, Ñanderuete voi omondóma ichupekuéra ojeity hag̃ua Ascalon ha avei umi yguasu rembe’ýre oikóva ári.
Who We AreWhat We EelieveWhat We Do
2025 by iamachristian.org,Inc All rights reserved.
