Salmokuéra 142 - Biblia en Guaraní - ?anderuete ?e’? Por? 2015

David ojerure ñepytyvõ rehe oime ramoguare pe cerrokuápe

1Hatã asapukái che Ruetépe, ajerure asy ichupe aĩ aja pe yvykuápe.

2Henondépe amoĩta che rembiasa asy, henondépe ha’epáma che jepy’apy.

3Che ajepy’apyete ramojepe, Nde voi reikuaa porãmba che renonderã. Che raperãme katu omoĩ hikuái ñemiháme iñuhã che ha’a hag̃ua ipype.

4Ama’ẽ ramo che akatúa gotýore ndahechái peteĩnte jepe chekuaáva, ndaipóri chepytyvõva, avave noñangarekói che rekove rehe.

5Ndéve asapukái asy, che Ruete, ha’éma: Nde che pytyvõhára ha nderehe añónte che ajejokokuaa oikovéva apytépe.

6Ehendumína che mba’e jerure asy, ajepy’apyetereígui. Chepytyvõmíkena umi cherehe ija’e’ỹvagui, imbaretevégui chehegui.

7Eguenohẽ che ánga ko cárcelgui, amomba’eguasu hag̃ua nde réra, upérõ umi heko potĩva ojerepa cherehe, Nde chepytyvõ porã haguére.