1Sofar, pe Naamat pegua, ombohováivo he’i:
2Ne ñe’ẽ reta ojohuva’erã ñembohovái: Kuimba’e iñe’ẽngatúva piko ojerereko heko potĩva ramo.
3Ne ñe’ẽ heta rei rupi oremokirirĩse, reñembohory hag̃ua orerehe ha resẽ hag̃ua reñemotĩ’ỹre.
4Nde voi ningo ere: Che ñe’ẽ iporã, ha che reko ipotĩ Ñanderuete resa renondépe.
5Mba’eichatamora’e Ñanderuete oñe’ẽ ha toñemoĩ nderehe.
6Ha’e tomyesakã ndéve iñarandu ñemimby, hasyete ningo jahecha hag̃ua iñarandu, upéicharamo rehecháta Ñanderuete nandehaviraiha ne ñe’ẽ pohýi ojerure háicha.
7Reikuaánepa Ñanderuete ñemimby. Rejohúnepa Ñanderuete arandu.
8Ha’e ijyvateve yvagakuéragui, mba’éichapa rehupityse ichupe; Ha’e ipypuku ve omanómava retãgui, mba’éicha piko reikuaáne ichupe.
9Ha’e ipukuve yvy apýragui ha ipeve yguasúgui.
10Ha’e ou ramo ombojovake ha oapresa hag̃ua heko vaívape, mávapa ojokokuaáne ichupe.
11Ha’e ningo oikuaa porã umi tekove iñañávape, Ha’e ohecha porã hembiapo vaívape, Ha’e piko oheja reíne umívape.
12Peteĩ búrro saite ra’y oiko pya’eveva’erã peteĩ kuimba’e arandúgui, peteĩ kuimba’e ivýrovagui, peteĩ kuimba’e iñarandúva.
13Nde, Job, eñembopy’apeteĩ Ñanderuete ndive ha ehupi jevy nde pokuéra reñembo’e hag̃ua ichupe.
14Tembiapo vai oja ramo nde pokuérare epoi katu ha ani reheja nde rógape ojejohu angaipa (tembiapo vai),
15upéicharõ remopu’ãkuaa jevy nde rova tembiapo vai’ỹre, ha reñembo’y porãkuaa, ha mba’evégui nderekyhyjemo’ãi.
16Ha nderesaraipáta nde jehasa asýgui, térã nemandu’áne hese ku yeta ohasapa haguéicha.
17Nde rekove omimbi porãvéta kuarahy asaje peguágui, ha sapy’a iñypytũ ramojepe nde rekove omimbi jevýta ku ko’ẽ oúvaicha.
18Upéicha rejeroviava’erãmo’ã oĩha gueteri esperánza ha rema’ẽ rire nde jerekue rehe, nderejohumo’ãvéima mba’eve nemongyhyjéva ha nde reke porã jevýta.
19Reñeno ramo ndaiporimo’ãi avave nemondýiva, ha heta ojerure asyva’erã ndéve reipytyvõ hag̃ua ichupekuéra.
20Iñañáva resa katu oñembogueva’erã, ndaikatúigui okañy mamove, ha’e oha’ãrõnte iñemano ára.
Who We AreWhat We EelieveWhat We Do
2025 by iamachristian.org,Inc All rights reserved.
