1Pe ivýrova ningo he’i ipy’apýpe: Ndaipóri Ñanderuete. Hembiapokuéra ivai ha iñaña, ha ijapytépe ndaipóri avave ojapóva mba’eporã.
2Ñanderuete katu oma’ẽ yvága guive yvyariguakuéra rehe, ohecha hag̃ua oĩnepa iñakãporãva ha ohekáva Ijarateépe.
3Opavave opia hapégui, peteĩcha oñemboheko vaipa, ndaipóri peteĩnte jepe hembiapo porãva.
4Naiñakã porãi piko opaite umi iñañáva omokõ joáva che retãme, ku pan ho’u ramoguáicha, ha nohenóiri Ñanderuetépe.
5Oñemondýigui oryryipa hikuái, Ñanderuete oĩgui umi heko potĩva ñemoñarenguéra ndive.
6Ha’ekuéra oñemoĩ haguére imboriahúva rehe, ha’ekuéra voi oñembyai, Ñanderuete opu’ãgui avei hesekuéra.
7Mba’eichatamora’e Sióngui osẽ ñepytyvõ Israélpe g̃uarã. Ág̃a Ñanderuete oguerukapa jevy ramo hetãyguakuérape ojererahamava’ekue jepokuapýpe, upéramo horýta Jacóbo ha ovy’áta Israelguakuéra.
Who We AreWhat We EelieveWhat We Do
2025 by iamachristian.org,Inc All rights reserved.
