Romayguakuérape 16 - Biblia en Guaraní - ?anderuete ?e’? Por? 2015

Ñemomaiteikuéra

1Ajerure peẽme peñangareko porã hag̃ua Fébe, ñane hermána rehe, oservi porãva Cencréa iglésiape.

2Pemog̃uahẽ porã ichupe Hesu Crísto rérape, ojejapo háicha hermanokuéra apytépe, ha peipytyvõ porã ichupe opaite mba’épe ha’e oikotevẽva guivépe. Ha’e voi hetápe oipytyvõ porãva’ekue avei, ha ijapytepekuéra chéve avei.

3Amomaiteiuka Priscíla ha Aquíla, che pytyvõharakuérape Hesu Crísto rembiapópe.

4Ha’ekuéra ome’ẽse hekove cherehehápe, nacheañói agradece ichupekuéra, opaite tetã ambueygua iglesiakuéra avei,

5ha péicha avei umi iglesiaygua oñembyatýva hógape. Amomaiteiuka avei Epenéto, che ahayhúvape, ha’e ningo pe hermáno ojerovia tenondera’ẽva’ekue umi Asiayguakuéra apytépe.

6Amomaiteiuka Maríape, ha’e omba’apo hetava’ekue penderehehápe.

7Amomaiteiuka Andrónico ha Júnias, che retãyguakuérape, ha che irũnguerava’ekue cárcelpe. Ha’ekuéra ningo mba’eguasu apostolkuéra apytépe, ha oikóma hikuáiapóstol ramo che mboyve.

8Amomaiteiuka Amplíaspe, ha’e ningo che rayhuhára Hesu Cristopype.

9Amomaiteiuka Urbáno, ore pytyvõhárape Hesu Crísto rembiapópe, ha Estáquis che rayhuhárape.

10Amomaiteiuka Apélespe, hekoitépe omba’apóva Hesu Crístope g̃uarã. Amomaiteiuka avei Aristóbulo rogayguakuérape.

11Amomaiteiuka che retãygua Herodiónpe. Amomaiteiuka Narcíso rogayguakuérape, ojeroviáva Hesu Crísto rehe.

12Amomaiteiuka Triféna ha Trifósape, ha’ekuéra oñeha’ãmba Hesu Crísto rembiapópe. Amomaiteiuka avei Pérsidape, pe ojehayhúva ha omba’apo heta Hesu Crístope g̃uarã.

13Amomaiteiuka Rúfope, Ñanderuete oiporavova’ekue, ha amomaiteiuka isýpe ha’e oikógui chéve g̃uarã avei peteĩ sýicha.

14Amomaiteiuka Asíncritope, Flegóntepe, Hérmespe, Patróbaspe, Hérmaspe, ha ñane hermanokuéra oĩva guive hendivekuéra.

15Amomaiteiuka Filólogope, Júliape, Neréo ha heindýpe, Olímpaspe ha opaite ojeroviáva ha oĩva guive hendivekuéra.

16Peñomomaitei joa Hesu Crísto rehegua ñehetũ reheve. Opaite Hesu Crísto iglésia ko’apeguáva penemomaiteiuka.

17Che hermanokuéra, che ajerure peẽme peñemboyke hag̃ua umi oñorãirõvagui ha oñemoĩva Hesu Crísto tekombo’e rehe, omoñepysãngaséva iñe’ẽ rupi umi ojerovia porãva Hesu Crísto rehe, pepyta hatãkena pe tekombo’e oñeme’ẽmava’ekue peẽme.

18Umichagua nomba’apói Hesu Crístope g̃uarã, iprovéchope g̃uarãnte (ijupe g̃uarãnte) uvei, ijuruhe’ẽ ha iñe’ẽ arandu gua’úpe ombotavyse umi ipy’a tavyvévape.

19Peẽ peneñe’ẽrendu porã ojekuaa opa rupi, upévare che avy’a penderehe, upéicha ramojepe che aipota peẽ penearandu mba’eporãme ha pendetavy mba’evaípe.

20Ñanderuetémante pe ombopy’aguapýva, voiete amongu’íta Satanáme pende py guýpe. Hesu Crísto poriahuvereko toĩ pende apytépe.

21Timotéo, che pytyvõhára, Lúcio, Jason ha Sosípater, che retãyguakuéra, penemomaiteiuka.

22Che, Tércio, ahaíma ko kuatiañe’ẽ kóva, pomomaiteiuka peẽme Hesu Crísto rérape.

23Gáio, che aikohápe, penemomaiteiuka ha opaite iglesiayguakuéra ko’ápe oikóvape guive. Erásto, ko táva pirapire ñangarekohára, ha Cuárto, ñane hermáno penemomaiteiuka avei.

24Ñandejára Hesu Crísto poriahuvereko toĩ opavave penendive. Taupéicha, (amen).

Ñembo’e ipaha pegua

25Ñanderuete tapenemombarete ha tapenemokyre’ỹ Hesu Crísto evangélio rupi, che amoherakuãva pende apytépe Hesu Crísto rembipota rupi, Ha’érupi jaikuaa umi mba’e ñemi, ndojekuaaiva’ekue ambue ára atyguasukuérape,

26ko’ág̃a katu ojekuaaukáma ha ymaguare guive oñemombe’úma, ha Ñanderuete ohaiukáma umi profetakuéra rupi opaite tetãnguéra ojerovia ha iñe’ẽrendu hag̃ua Ñanderuetépe, Hesu Crísto rupi.

27Ko yvága Jára kóvape, Ñanderuetépe, toñemomba’eguasu opaite ára atyguasukuérape Hesu Crísto rupi. Taupéicha, (amen).