Salmokuéra 8 - Biblia en Guaraní - ?anderuete ?e’? Por? 2015

Ñanderuete reko jajaipa ha kuimba’e rerakuã porã Gitit reheve - David purahéi

1Nde, che Ruete, ore Jaratee, mba’eichaitépa ojajái nde réra opaite yvy apére. Ñemomba’eguasu ojupihína yvága rehe.

2Umi mitãmimi ha umi okambúva jurúgui remopu’ã nde róga yvate oñemombaretéva umi nderehe ija’e’ỹva rehehápe, remokirirĩ hag̃ua upe oporohayhu’ỹvape ha oñemoĩvape nderehe.

3Che ama’ẽ ramo yvagakuéra rehe, nde po rembiapokuére, pe jasy ha umi mbyja rehe Nde rejapova’ekue,

4che voi ha’e: Mba’épa pe kuimba’e, nemandu’a hag̃ua hese ha rejepy’apy hag̃ua Adan ra’ykuéra rehe.

5Michĩmínte remomichĩve ichupekuéra yvága, rembijokuaikuéragui (ángel) ha rembotuicha ichupe terakuã ha teko mimbipa reheve,

6ha’e oisãmbyhy hag̃ua nde po rembiapokue, remoĩmbaite ipokuéra guýpe:

7ovecha ha vakakuéra oĩva guive, ha péicha avei umi mymba ñu rupigua,

8umi guyra yvate ovevéva ha umi pira yguasu pegua, ha opaite mba’e oikóva guive yguasúpe.

9Nde, che Ruete, ore Jaratee, mba’eguasuete ningo nde réra ko yvy tuichakue jave.