1Péicha Ñanderuete he’i chéve: Tereho ha ejogua peteĩ ku’a jokuaha ipyahúva ojejapova’ekue líno inimbógui, ha emoĩ nde ku’a rehe, ha ani remoinge ýpe.
2Ha ajogua peteĩ ku’a jokuaha Ñanderuete he’i haguéicha, ha amoĩ che ku’a rehe.
3Ha upéi Ñanderuete oñe’ẽ jevy chendive ha he’i chéve:
4Ejapyhy nde ku’a jokuaha rejoguamava’ekue, oĩva nde ku’áre, epu’ã ha tereho ysyry guasu Éufratespe, ha upépe eñongatu yvy guýpe, itaguasu pa’ũnguápe.
5Aha añomi hag̃ua pe ysyry Éufrates ypýpe, Ñanderuete he’i haguéicha chéve.
6Ha ohasa rire heta ára Ñanderuete he’i chéve: Epu’ã ha tereho Éufratespe ha ejapyhy jevy nde ku’a jokuaha reñongatuva’ekue.
7Upéramo aha ysyry Éufratespe, ajo’o ha ajapyhy che ku’a jokuaha añomi haguégui; ha péina ápe che ku’a jokuaha itujupámara’e; ndojeporukuaavéima mba’evetépe.
8Ha Ñanderuete oñe’ẽ chéve, ha he’i:
9Péicha he’i nde Ruete: Ambyaíta Juda ha Jerusalénpe oñembotuichaiterei haguérehe.
10Ko tetã kóva iñañaite, nohenduséi voi che ñe’ẽ, ha oiko ipy’apýpe oñandu háichante, ha oho ambue jára rapykuéri oiko hag̃ua hembiguái ramo, ha oñesũ henondepekuéra, upévagui oikóta hikuái ku ku’a jokuaha kóvaicha, naiporãvéima mba’everãme.
11Ha pe ku’a jokuaha oja háicha kuimba’e ku’a rehe, péicha aipota Israel retã oja cherehe, he’i pende Ruete, Israel oiko hag̃ua che retã ramo chemomba’eguasu ha chemoherakuã porã hag̃ua ambue tetãnguéra apytépe; ha’ekuéra katu ndoipotái.
Israel ojejokáta, ojejoka háicha peteĩ kambuchi naiporãvéimava12Ha eréta ichupekuéra ko ñe’ẽ kóva, péicha he’i pende Ruete, Israel Jára: Oñemyenyhẽta vínogui opaite kambuchi. Ha he’íta ndéve hikuái: Ndoroikuaái piko ore, umía oñemyenyhẽtaha vínogui.
13Upéramo eréta ichupekuéra, péicha he’i pende Ruete: Péina ápe Che amonga’upáta opaite oikóva guive ko tetã kóvape, umi tetã ruvicha guive, oguapyvahína David ñemoñare guapyhaguasúpe, pa’ikuéra, profetakuéra ha mayma Jerusalenguakuéra avei.
14Ha upéi ajokáta, ku kambuchícha ambotávo ojuehe, umi tapicha ityke’ýra ndive, tuvakuéra ita’ýra ndive, he’i pende Ruete. Naperdonamo’ãi ha ndaiporiahuverekomo’ãi ichupekuéra, ahundíta uvei ichupekuéra.
Judayguakuéra ojegueraháta jepokuapýpe ambue tetãme15Pejapysaka ha pehendu: Ñanderuete he’iuka peẽme, ani peñembotuicha,
16pemomba’eguasu uvei Ñanderuete, pende Járape, Ha’e ombou mboyve iñypytũha ára, ha pende py oñepysãnga mboyve umi cérro iñypytũha rupi; ha ome’ẽ rãngue tesakã porãva peẽ peha’ãrõva, ome’ẽta peẽme ñemano ha ypytũ iñanambusúva.
17Ha napehendúi ramo ko’ã mba’e, ko che ánga ojahe’óta ñemiháme peẽ peñembotuicha haguére ha jahe’o asypópe okuiva’erã tesay che reságui, che retã ojeguerahágui jepokuapýpe tetã mombyrýpe.
18Peje tetã ruvicha ha hembirekópe: Peñemomirĩ ha peguapy yvýpe, pene akã jeguaka (coróna) ho’áma.
19Umi táva yvy gotyogua ho’áma ambue tetã poguýpe, ha ndaipóri avave oipytyvõva ichupekuéra; umi Judaygua ojegueraháma, jepokuapýpe ojeguerahapaite ichupekuéra.
20Pejesaupi ha pehecha umi penderehe ija’e’ỹva yvatéguio oúva. Mamo piko oime pe ovecha aty porãite oñeme’ẽmava’ekue peẽme.
21Ha mba’éiko eréta Ha’e omoĩrõ pene mburuvicha ramo umi nde voi rehekombo’eva’ekuépe. Nanemyakã rasyichénepa ku kuña imembymbotávaicha.
22Ha ere ramo nde py’apýpe: Mba’érehepa ojehu chéve ko’ã mba’e. Che ambohováita reñemohembiapo vai haguére, ha’ekuéra nemboi, nerãirõ ha oñembosarái nderehe.
23Pe Etiopiaygua piko ikatúne omboje’o ipire hũngue, ha pe jaguarete ipire para. Ha upéicha avei, ikatúnepa peẽ pejapo mba’eporã, pejepokuaavapeína mba’evai apópente.
24Upévare Che amosarambi ichupekuéra yvytu rupi desiértope, ku yvyra rogue pirukuéicha.
25Ko’ã mba’e ko’ãva ojehu ndéve jehavira ramo he’i pende Ruete, nderesarái haguére chehegui ha reju rejerovia jára gua’u rehe.
26Ha Che avei romboipaitéta ojehecha hag̃ua ndeopivoha ha retĩete hag̃ua.
27Che ahecháma nderakuha ha remyakãratĩ kokue ha cérrope, ne rembiapo vaiete chembojeguarúva. Angái, angái Jerusalen, nereñemopotĩséi piko. Araka’épa reñembyasýta rejapo vai haguére.
Who We AreWhat We EelieveWhat We Do
2025 by iamachristian.org,Inc All rights reserved.
