1Upe áñope, Sargon, Asíria retã ruvicha, ombou isoldádo aty ruvicha Asdod távape ombopoguy hag̃ua, ha kóva ho’a ipópe.
2Upe ára upévape Ñanderuete oñe’ẽ Isaías, Amoz ra’y rupi, ha he’i: Tereho ha emboi nde ao vosakue ndejehegui, ha eipe’a nde sapatu nde pýgui. Ha Isaías ojapo péicha, ha oiko py nandi ha ichulu (calzoncíllo) rehevénte.
3Ha he’ive Ñanderuete: Che rembiguái Isaías oiko haguéicha mbohapy áño pukukue py nandi ha ichulu rehevénte, ohechauka hag̃ua ojehútava Egípto ha Etiopíape,
4péicha avei pe Asíria retã ruvicha ogueraháta jepokuapýpe umi Egípto ha Etiopiayguápe hetãnguéragui, imitã ha itujávape, py nandi ha ichulu rehevénte ha hevi ro’o okápeta ohóvo, Egiptoyguakuéra oñemotĩ hag̃ua.
5Ha Judayguakuéra ojepy’apy ha otĩ ojerovia haguére Etiopía ha Egíptoygua pu’aka rehe.
6Ha upe ára upévape umi Judaygua he’i joava’erã: Ma’ẽmi, umi Filisteaygua ha Feniciaygua ojerovia rei Egípto ha Asíria pu’aka rehe. Ma’erãpa ore rojerovia reíma avei hesekuéra.
Who We AreWhat We EelieveWhat We Do
2025 by iamachristian.org,Inc All rights reserved.
