1Ore Ruete, yvága Jára, ehepyme’ẽva iñañáva rembiapo vai rehe. Ore Ruete, ehechaukamína ha emyengovia tekove ñañáva rembiapo vaikue.
2Epu’ãmína rembojovake hag̃ua yvyariguakuérape ha ehepyme’ẽ umi oñembotuicháva rembiapo vaikue.
3Araka’e pevépa umi tekove ñaña, ha araka’e pevépa, Nde, ore Ruete, umía ovy’akuaáne.
4Araka’e pevépa oñe’ẽ vaíta hikuái, ha he’íta mba’e ipohýiva, ha oñembotuicháta hembiapo vaikue rupi.
5Ha’ekuéra omyangekõi ne retãme, Nde, ore Ruete, ha ojopy hikuái ne retã Israélpe.
6Ojuka hikuái umi imenave’ỹvape, umi tetã ambueyguápe, ha umi ityre’ỹvape,
7ha he’i hikuái: Ñanderuete ndohechamo’ãi mba’eve, ha Jacóbo Jára noñandumo’ãi mba’eve.
8Peẽ tekove tavy ha peẽ tekove tarova araka’e piko penearandúta.
9Pe apysa apohare piko nohendumo’ãi nga’u. Upe tesa ojapo ypyva’ekue piko ndohechamo’ãi nga’u.
10Upe ohekombo’éva tetãnguérape ndohaviramo’ãi nga’u. Upe ombo’éva yvyariguakuérape iñarandu hag̃ua ndoikuaapamo’ãi nga’u.
11Ñanderuete oikuaa porã yvyariguakuéra ojepy’amongetáva (opensáva) guive, Ha’e oikuaa porã yvytu reinteha hikuái.
12Ovy’aite pe kuimba’e Nde rehekombo’éva, Nde, ore Ruete, ha rehechaukáva ne rembiapoukapy.
13Nde remombytu’úta ichupe jepy’apy vai árape, ojejo’o aja tekove iñañáva tyvyrã (sepulturarã).
14Ñanderuete ndopoimo’ãi hetãgui ha nomboykemo’ãi hetã Israélpe.
15 Justícia ojehecha jevy peve umi oñembojovakéva apytépe ha umi heko potĩva oiko jevy hag̃ua hekoitépe.
16Mávapa chemoirũta añemoĩ jave tekove ñañáva rehe, ha mávapa ohóta che rapykuéri opu’ã hag̃ua hembiapo vaíva rehe.
17Ñanderuete nachepytyvõi rire, che ánga oikova’erãmo’ã umi omanómava apytépe.
18Cheapensa ramo che ha’atama’aína, ne mborayhu katu, che Ruete, chejoko jevy.
19Che ajepy’apy heta ramo jepe añandu Nde chemoangapyhy ha Nde rembovy’a jevy che ánga.
20Ikatúnepa Nde, che Jára, remoirũ umi iñañávape ombojovake vai hag̃ua, ha’ekuéra ombojovake vaise voínte.
21Oñembyaty hikuái oñemoĩ hag̃ua umi heko potĩva rehe ha ombyai hag̃ua umi Ñanderuete rehe ojeroviáva rekove.
22Ñanderuete katu oikohína chéve g̃uarã che mo’ãha ramo, ha Ha’e che itaguasu (salvador) che akañykuaahápe.
23Ñanderuete oity jevýta hi’arikuéra hembiapo vai, oiko vai haguére, Ñanderuete voi ohundipáta ichupekuéra.
Who We AreWhat We EelieveWhat We Do
2025 by iamachristian.org,Inc All rights reserved.
