1Ovy’aitehína umi kuimba’e okyhyjéva Ñanderuetégui, ha ipy’a rory hembiapoukapy reheve.
2Iñemoñare imbareteva’erã ko yvy apére, umi heko potĩva ñemoñare ojehovasáta.
3Mba’eporãita ha mba’e repyeta oĩ hógape, ha heko potĩ ndopamo’ãi araka’eve.
4Umi heko potĩvape g̃uarã oĩta peteĩ tesape oguata ramojepe pytũguýpe, Ha’e ipy’a porã ha oporoporiahuvereko hekoitépe.
5Ovy’aite pe kuimba’e ipy’a porãva, oporoporiahuvereko ha omba’eporukáva, pe ñembojovake árape Ha’e oipytyvõta ichupe.
6Ha upévare ha’e ndaipysyrỹiva’erã araka’eve, imandu’ava’erã hikuái hese opaite árape.
7Oñemoherakuã ramo mba’evai ndokyhyjemo’ãi, ojeroviágui ipy’aite guive Ñanderuete rehe.
8Ipy’aguapy porã ha ndokyhyjemo’ãi, ohecha peve umi hese ija’e’ỹva oñehundipaha.
9Omboja’o ja’o ha ome’ẽ rei imboriahúvape, ijustícia heko pegua ndopamo’ãi, ipu’aka ha herakuã porã ojehechakuaa.
10Upe tekove ñaña ohecha ramo upéva ipochyetereíta, omopururũta hãinguéra ha ikusuguepáta. Umi tekove ñaña rembipota katuete opa reiva’erã.
Who We AreWhat We EelieveWhat We Do
2025 by iamachristian.org,Inc All rights reserved.
