Números 7 - Biblia en Guaraní - ?anderuete ?e’? Por? 2015

Ko’ã me’ẽmby Israel ruvichakuéra ogueru Ñanderuetépe g̃uarã pe óga jojohuhápe

1Moises omopu’ãmba rire pe óga jojohuha ha omopotĩmba rire pe kuave’ẽmby renda ha hembiporukuéra,

2umi 12 Israel tríbu ruvicha oipytyvõva’ekue Moiséspe oipapa hag̃ua Israelguakuérape,

3ogueru ijopoikuéra Ñanderuetépe g̃uarã pe óga jojohuha renondépe 6 carréta ha 12 guéi, mokõi tríbu ruvicha ogueru peteĩ carréta, ha peteĩteĩ mburuvicha ogueru peteĩ guéi,

4Ha Ñanderuete oñe’ẽ Moiséspe ha he’i:

5 Erecebi umi jopói ichuguikuéra ha eme’ẽmba Leviguakuérape oiporu hag̃ua pe óga jojohuha rembiapópe (oguerova hag̃ua).

6Upéramo Moises orecebi umi carréta ha gueikuéra, ha ome’ẽmba Leviguakuérape.

7Mokõi carréta ha irundy guéi ome’ẽ Gerson ñemoñarenguérape, oiporu hag̃ua hembiaporãme.

8Ha Merari ñemoñarenguérape ome’ẽ irundy carréta ha 8 guéi, oiporu hag̃ua hembiaporãme ha opyta Itamar, pe pa’i Aaron ra’y, poguýpe.

9Coat ñemoñarenguérape nome’ẽi mba’eve, ha’ekuéra oguerahagui ijati’y ári umi tembiporu oñemboykemava’ekue pende Ruetépe g̃uarã.

10Ha umi mburuvicha ogueru joa ijopói pe árape oñemopotĩ ha oñemona haguépe pe kuave’ẽmby renda, ha henondépe oguerupa ijopoikuéra.

11Ha Ñanderuete he’i Moiséspe: Toikuave’ẽ hikuái ikuave’ẽmbynguéra, peteĩ mburuvicha peteĩ árape, ha ambue mburuvicha ambue árape, oñemopotĩ hag̃ua pe kuave’ẽmby renda.

12Upéicharamo pe ára peteĩháme Naason, Aminadab ra’y, Juda tríbu ruvicha oikuave’ẽ.

13Ha’e ogueruve ijopói ramo: Peteĩ ña’ẽmbe (pláto) plataguigua (óro morotĩ) ipohýiva 1,45 kílo ha peteĩ járro plataguigua ipohýiva 780 grámo, mokõivéva henyhẽ trígo ku’i porãgui, oñembojehe’apyréva acéite reheve, oikuave’ẽ hag̃ua Ñanderuetépe,

14ha peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãgui,

15peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño, kuave’ẽmby ojehapypáva,

16peteĩ kavara mácho kuave’ẽmby angaipa reheguáva ramo,

17ha mokõi tóro, 5 ovecha mácho, 5 kavara mácho ha 5 ovechara’y oguerekóva peteĩ áño, kuave’ẽmby py’aguapy reheguáva. Ko’ãva Naason, Aminadab ra’y, jopói.

18Pe ára mokõiháme Natanael, Suar ra’y, Isacar tríbu ruvicha oikuave’ẽ.

19Ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua ipohýiva 780 grámo, mokõivéva henyhẽ trígo ku’i porãgui, oñembojehe’apyréva acéite reheve, oikuave’ẽ hag̃ua,

20ha peteĩ ña’ẽmbe’i óroguigua oguerekóva 117 grámo, henyhẽva mba’e ryakuã porãgui,

21peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño, kuave’ẽmby ojehapypáva ramo;

22peteĩ kavara mácho angaipa reheguáva ramo,

23ha mokõi tóro, 5 ovecha mácho, 5 kavara ha 5 ovechara’y oguerekóva peteĩ áño, kuave’ẽmby py’aguapy reheguáva. Ko’ãva Natanael, Suar ra’y, jopói.

24Pe ára mbohapyhápe Eliab, Helon ra’y, Zabulon tríbu ruvicha oikuave’ẽ.

25Ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua ipohýiva 780 grámo, mokõivéva henyhẽ trígo ku’i porãgui oñembojehe’apyréva acéite reheve, oikuave’ẽ hag̃ua,

26ha peteĩ ña’ẽmbe’i oroguiguáva oguerekóva 117 grámo, henyhẽva mba’e ryakuã porãgui,

27peteĩ tóro ra’yrusu, peteĩ ovecha mácho, peteĩ ovechara’y, oguerekóva peteĩ áño, kuave’ẽmby ojehapypátava,

28peteĩ kavara mácho angaipa reheguáva;

29ha mokõi tóro, 5 ovecha mácho, 5 kavara mácho ha 5 ovechara’y, oguerekóva peteĩ áño, kuave’ẽmby py’aguapy reheguáva. Ko’ãva Eliab, Helon ra’y, jopói.

30Pe ára irundyhápe Elisur, Sedeur ra’y, Ruben tríbu ruvicha,

31ogueru ijopói: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve oikuave’ẽ hag̃ua,

32ha peteĩ ña’ẽmbe’i oroguigua oguerekóva 117 grámo, henyhẽva mba’e ryakuã porãgui,

33peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño, kuave’ẽmby ojehapypátava,

34peteĩ kavara mácho angaipa reheguáva,

35ha mokõi tóro, 5 ovecha mácho, 5 kavara mácho ha 5 ovechara’y, oguerekóva peteĩ áño, kuave’ẽmby py’aguapy reheguáva. Ko’ãva Elisur, Sedeur ra’y, jopói.

36Pe ára 5-hápe Selumiel, Zurisadai ra’y, Simeon tríbu ruvicha oikuave’ẽ.

37Ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve, oikuave’ẽ hag̃ua,

38ha peteĩ ña’ẽmbe’i oroguigua, oguerekóva 117 grámo, henyhẽva mba’e ryakuã porãgui,

39peteĩ tóro ra’yrusu, peteĩ ovecha mácho, peteĩ ovechara’y, oguerekóva peteĩ áño, kuave’ẽmby ojehapypátava,

40peteĩ kavara mácho angaipa reheguáva,

41ha mokõi tóro, 5 ovecha mácho, 5 kavara mácho ha 5 ovechara’y, oguerekóva peteĩ áño, kuave’ẽmby py’aguapy reheguáva. Ko’ãva Selumiel, Zurisadai ra’y, jopói.

42Pe ára 6-hápe Eliasaf, Deuel ra’y, Gad tríbu ruvicha oikuave’ẽ.

43Ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve, oikuave’ẽ hag̃ua,

44peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãvagui,

45peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño kuave’ẽmby ojehapypátava,

46peteĩ kavara mácho angaipa reheguáva,

47ha mokõi tóro, 5 ovecha mácho, 5 kavara mácho ha 5 ovechara’y oguerekóva peteĩ áño, kuave’ẽmby py’aguapy reheguáva. Ko’ãva Eliasaf, Deuel ra’y, jopói.

48Ha pe ára 7-hápe, Elisama, Amiud ra’y, Efrain tríbu ruvicha oikuave’ẽ.

49Ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve, oikuave’ẽ hag̃ua,

50ha peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãgui,

51peteĩ tóro ra’yrusu, peteĩ ovecha mácho, peteĩ ovechara’y, oguerekóva peteĩ áño, kuave’ẽmby ojehapypátava,

52peteĩ kavara mácho angaipa reheguáva,

53mokõi tóro, 5 ovecha mácho, 5 kavara mácho ha 5 ovechara’y, oguerekóva peteĩ áño, kuave’ẽmby py’aguapy reheguáva. Ko’ãva Elisama, Amiud ra’y, jopói.

54Pe ára 8-hápe Gamaliel, Pedasur ra’y, Manases tríbu ruvicha oikuave’ẽ.

55Ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui oñembojehe’apyréva acéite reheve, oikuave’ẽ hag̃ua,

56ha peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãgui;

57peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño, kuave’ẽmby ojehapypátava,

58peteĩ kavara mácho angaipa reheguáva,

59ha mokõi tóro, 5 ovecha mácho, 5 kavara mácho ha 5 ovechara’y oguerekóva peteĩ áño kuave’ẽmby py’aguapy reheguáva. Ko’ãva Gamaliel, Pedasur ra’y, jopói.

60Pe ára 9-hápe Abidan, Gideoni ra’y, Benjamin tríbu ruvicha oikuave’ẽ.

61Ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve, oikuave’ẽ hag̃ua,

62ha peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãgui,

63peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño, kuave’ẽmby ojehapypátava,

64peteĩ kavara mácho angaipa reheguáva,

65ha mokõi tóro, 5 ovecha mácho, 5 kavara mácho ha 5 ovechara’y, oguerekóva peteĩ áño, kuave’ẽmby py’aguapy reheguáva. Ko’ãva Abidan, Gideoni ra’y, jopói.

66Pe ára 10-hápe Ahiezer, Amisadai ra’y, Dan tríbu ruvicha oikuave’ẽ.

67Ha’e ogueru ijopói ramo: Peteĩ ña’ẽmbe (pláto) plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve oikuave’ẽ hag̃ua;

68ha peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãgui,

69peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño, kuave’ẽmby ojehapypátava,

70peteĩ kavara mácho angaipa reheguáva,

71ha mokõi tóro, 5 ovecha mácho, 5 kavara mácho ha 5 ovechara’y, oguerekóva peteĩ áño, kuave’ẽmby py’aguapy reheguáva. Ko’ãva Ahieser, Amisadai ra’y jopói.

72Pe ára 11-hápe, Pagiel, Ocran ra’y, Aser tríbu ruvicha oikuave’ẽ.

73Ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve oikuave’ẽ hag̃ua,

74ha peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãgui,

75peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño, kuave’ẽmby ojehapypátava,

76peteĩ kavara mácho angaipa reheguáva,

77ha mokõi tóro, 5 ovecha mácho, 5 kavara mácho ha 5 ovechara’y, oguerekóva peteĩ áño, kuave’ẽmby py’aguapy reheguáva. Ko’ãva Pagiel, Ocran ra’y, jopói.

78Pe ára 12-hápe, Ahira, Enan ra’y, Neftali tríbu ruvicha oikuave’ẽ,

79ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve, oikuave’ẽ hag̃ua,

80ha peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãvagui,

81peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño, kuave’ẽmby ojehapypátava,

82peteĩ kavara mácho angaipa reheguáva,

83ha mokõi tóro, 5 ovecha mácho, 5 kavara mácho, 5 ovechara’y, oguerekóva peteĩ áño, kuave’ẽmby py’aguapy reheguáva. Ko’ãva Ahira, Enan ra’y, jopói.

84Ko’ã jopói Israel tríbu ruvichakuéra oikuave’ẽva’ekue pe ára oñemopotĩháme pe kuave’ẽmby renda: 12 ña’ẽmbe plataguiguáva, 12 járro plataguiguáva, 12 ña’ẽmbe’i oroguiguáva,

85peteĩteĩva umi ña’ẽmbe ipohýi 1,45 kílo ha peteĩteĩva umi járro ipohýi 780 grámo; mayma tembiporu plataguiguáva oha’ã 27,4 kílo, térã 2.400 síclo, pe síclo óga jojohuha medídaicha,

86umi 12 ña’ẽmbe’i oroguigua henyhẽyva mba’e ryakuã porãgui, peteĩteĩva ipohýi 117 grámo térã 10 síclo, pe síclo óga jojohuha medídaicha; pe óro umi ña’ẽmbe’i rehegua ipohýiva 1,34 kílo térã 120 síclo.

87Ogueruve hikuái kuave’ẽmby ojehapypátava ramo: 12 tóro ra’yrusu, 12 ovecha mácho, 12 ovechara’y, oguerekóva peteĩ áño, ikuave’ẽmby tembi’u reheguáva reheve, ha 12 kavara mácho angaipa reheguáva.

88Ha ogueru hikuái kuave’ẽmby py’aguapy reheguáva, 24 tóro ra’yrusu, 60 ovecha mácho, 60 kavara mácho ha 60 ovechara’y, oguerekóva peteĩ áño. Ko’ãva oikuave’ẽ omopotĩ hag̃ua pe kuave’ẽmby renda, oñemona riréma.

89Ha Moises oikévo jepi pe óga jojohuhápe oñe’ẽ hag̃ua Ñanderuete ndive, Moises ohendu ichupe pe karameg̃ua ape ári guive ha umi mokõi querubin pa’ũ guive ha oñe’ẽ hendive.