Salmokuéra 54 - Biblia en Guaraní - ?anderuete ?e’? Por? 2015

Ñembo’e ojeruréva ñepytyvõ hese ija’e’ỹvakuéragui David purahéi, umi Zífo táva pegua ou ramoguare Saul rendápe

1Nde, che Ruete, nde réra rehehápe chepytyvõmína, ha chemo’ã nde pu’aka rupi.

2Nde, che Ruete, ehendumína che ñembo’e, ejapysakami che juru he’íva rehe:

3Opu’ãgui cherehe umi tapicha aikuaa’ỹva, ha kuimba’e imbaretéva chejukase, ndoikuaaséi hikuái mba’eve che Ruetégui. Selah

4Che katu aikuaa Ñanderuete chepytyvõtaha, Ha’e katuete oñangarekohína che rekove rehe.

5Ha’e omyengovia jevýta pe mba’evai umi cherehe ija’e’ỹvape, embyai ichupekuéra, ne ñe’ẽ añetegua rupi.

6Kyre’ỹpópe ame’ẽta ndéve g̃uarã kuave’ẽmby ojehapypáva; amomba’eguasúta nde réra, Nde, che Ruete, ndepy’a porãgui.

7Ha’e cheguenohẽgui opaichagua jepy’apy vaígui, ha che resa ohecháma cherayhu’ỹva oñehundi haguére.