1Henyhẽte che py’a ñe’ẽ porãgui, amondo che purahéi tetã ruvichápe, che kũ ojogua ku kuatiañe’ẽ haihára ipya’etévape.
2Nde ningo ha’e yvyarigua ra’ykuéra apytépe pe iporãvéva, Ñanderuete oñohẽ iporiahuvereko nderehe, upévare Ñanderuete nderovasa opaite árape g̃uarã.
3Emoĩ nde ku’a rehe nde kyse puku, nde ningo pe ipy’aguasuetéva, ha ne mburuvichaguasu reko omimbipáva.
4Tandepo’a poty, tereho rembopoguy hag̃ua añetegua rehehápe, reipytyvõ porã haguére imboriahúvape ha nde pu’akaguasu tuichaite mba’e ojapo ñanderehe.
5Nde hu’ykuéra hakua porã, umía rupi tetãnguéra ho’áta nde poguýpe, umía oikepava’erã nderayhu’ỹva py’ápe.
6Ñanderuete tome’ẽ ndéve nde guapyhaguasu opaite árape, ne mburuvicha yvyra’i reheve reisãmbyhy porã hag̃ua ne retãme, justícia reheve.
7Rehayhu justícia ha remboyke mba’evai, Ñanderuete, ndeporavova’ekue acéite reheve ne irũnguéra apytégui.
8 Mírra, áloe ha cásia (plantakuéra) reheve omohyakuã porã nde aokuéra. Nde rogaguasúgui, oñembojegua elefánte ratĩnguegui, ha oñehendu árpa pu porã.
9Tetã ruvicha rajykuéra oĩ nde jerekuévo, ha nde akatúape oguapy tetã ruvicha rembireko ojeguapáva óro Ofir peguágui.
10Ehendúkena che rajy, ema’ẽ ha emboyke nde apysa, eñembyesarái ne retã ha nde ru rógagui,
11ha eguerohory ichupe nde rete porã rupi imba’etee ramo, eñakãity henondépe, ha’eguihína nde jára.
12Ha Tiroygua rajy nembovy’áta ime’ẽmby rupi, oguerútava ndéve oñemoĩ porã hag̃ua nendive.
13Pe tetã ruvicha rajy omimbipa ijao oroguigua reheve.
14Ao ijeguakapáva reheve ojegueraháta ichupe tetã ruvicha rendápe, kuñataĩ imarã’ỹva ohóta hapykuéri, iñirũnguéra ndive ojeguerúta ichupe ne rendápe.
15Ojeguerúta vy’a ha torypópe ha oikéta hikuái tetã ruvicha rogaguasúpe.
16Nde rukuéra rendaguépe opytáta nde ra’ykuéra, ha remoĩta ichupekuéra mburuvicha ramo pe tetã tuichakue rupi.
17Amombe’úta nde réra opaite ne ñemoñarenguérape, ha upévare tetãnguéra nemomba’eguasúta opaite árape.
Who We AreWhat We EelieveWhat We Do
2025 by iamachristian.org,Inc All rights reserved.
