1Círo, Pérsia retã ruvicha, oñepyrũvo oisãmbyhy hi’áño peteĩháme, oiko hag̃ua Ñanderuete ñe’ẽ he’iva’ekue Jeremías juru rupi, Ñanderuete omombáy Círo pytúpe, ha’e oikuaauka hag̃ua iñe’ẽ ha ikuatiañe’ẽ rupi hetãnguéra tuichakue javeve:
2Péicha he’i Círo, Pérsia retã ruvicha: Jahve, yvagakuéra Jára, ome’ẽmbákuri chéve tetãnguéra yvy ape árigua, ha Ha’e he’iuka chéve amopu’ã hag̃ua ichupe hogaguasu Jerusalénpe, opytáva Juda retãme.
3Upévare oimeraevã Israelgua oikóva pende apytépe, Ñanderuete toĩ hendive ha tojupi Jerusalénpe, opytáva Juda retãme, ha tomopu’ã Ñanderuete, Israel Jára rogaguasurã, Ha’e ningo pe Jára oikóva Jerusalénpe.
4Ha toñeme’ẽ opaite Judaygua hembývape guive, pláta, óro, mba’erepyeta, tymbakuéra ha jopoikuéra, oimeraẽva ome’ẽséva guive ipy’aite guive Ñanderuete rogaguasúpe g̃uarã, opytavahína Jerusalénpe.
Oho jevy hikuái Jerusalénpe5Upéramo opu’ã umi Juda ha Benjamin rogaguasu ruvichakuéra, umi pa’i ha Leviguakuéra, opavave Ñanderuete omombayva’ekue ipytúpe oho omopu’ã hag̃ua Ñanderuete rogaguasurã Jerusalénpe.
6Ha opavave oikóva guive ijerekue rehe toipytyvõ ichupekuéra plátape, órope, mba’erepyetápe, tymbakuérape, mba’eita hepývape ha avei opaite mba’e ome’ẽsévape ipy’aite guive.
7Ha pe tetã ruvicha Círo oguenohẽmba umi tembiporu Ñanderuete rogaguáva guive, Nabucodonosor oguenohẽva’ekue Jerusaléngui, ha omoĩva’ekue itupã rógape.
8Ha Pérsia retã ruvicha, Círo, he’iuka Mitrídatespe, imba’erepyeta rerekuápe, ome’ẽmba hag̃ua Sesbasárpe, Judaygua ruvichápe.
9Ko’ã mba’e ningo oñeme’ẽ ichupe: 30 ña’ẽguasu oroguiguáva, 1.000 vasoguasu plataguiguáva, 29 kyse,
1030 váso oroguiguáva, 410váso plataguiguáva ha 1.000 ambue tembiporu.
11Opaite tembiporukuéra oĩkuri 5.400, óro ha plataguiguáva. Ha Sesbasar oguerahapa ko’ã mba’e, umi Judaygua ojepokuamava’ekue rupi, Babilóniagui Jerusalénpe.
Who We AreWhat We EelieveWhat We Do
2025 by iamachristian.org,Inc All rights reserved.
